Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

நம் இருவருக்கான
பயணத்தில்...
இடைச்சொருகலென
மௌனம்
நுழைந்தெப்படி?

தொடர்ந்து வரும் மௌனத்தை
தொலைக்கவியலாது..
திக்கொரு விக்ரகமாய்
திரும்பியிருக்கிறோம் நாம்!

மெல்ல கைகள் பற்று!
உதறி உருவினாலும்..
இறுகப் பற்று!
இன்னும் நெருக்கமாயிரு!
காதுமடல் வருடு!
கன்னத்தில் முத்தமிடு!
காதல் கொள்!
முன்னிலும் அதிகமாய்..

உடனிருக்கையில்
உள்ளமரும் மௌனத்தைப் போல்
ஆகச்சிறந்த தண்டனை
வேறெதுவுமில்லை!
மௌனம் உடை!
மனந்திற!

- இசைமலர்

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh