Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

நான் தெளிந்த நீரோடை
யார் வேண்டுமானாலும்
குழப்பிப் போகலாம்

*****

lady250வாணலியில் புரண்டு
வெந்து கொண்டிருக்கிறது
நாற்பதைக் கடந்தவளின்
பழுப்பு முத்தம்......

*****

நீ கலைத்துச் செல்ல
நான் என்றோ கட்டிய மணல் வீட்டை
இன்றும் யாரோ
கலைத்துக் கொண்டுதானிருக்கிறார்கள்.....

*****

மூன்றாம் நாள் உயிர்த்தெழுந்த போதும்
மரிக்கத் தோன்றியது
எதிரே ஒரு மனிதனும் இல்லை

*****

புகைப்படத்தில் சிரித்துக் கொண்டே
இருந்தாய்
போட்டு உடைத்து சில்சில்லாக்கியபோது
அழத் தோன்றியது எனக்கு...

*****

இந்த இலைகள்
கொடூரமானவைகள்
இளைப்பாறுபவள் மீது
விழுகின்றன...

*****

வரைந்தவனுக்குக் கொடுத்து
வைக்கவில்லை
பார்த்துக் கொண்டிருந்த எனக்கு
காதல் வந்தது

- கவிஜி

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh