Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

கீற்று படைப்புகளை மின்னஞ்சலில் பெற...

Enter your email address:

Keetru RSS Feed

அண்மைப் படைப்புகள்

தொடர்புடைய படைப்புகள்

பெரியார் முழக்கம்

“பெரியார் என்ற தலைவர் பற்றி நான் கேள்விப்பட்டிருக்கிறேன்; அவரது கொள்கைகள் பற்றி தெரியாது. ஆனால் அவரின் பகுத்தறிவுக் கொள்கைகள்தான் இன்றைய தேவையாக இருக்கிறது என்ற முடிவுக்கு நான் வந்துள்ளேன்” என்று ‘டைம்ஸ் ஆப் இந்தியா’ நாளேட்டுக்கு (மார்ச் 31) அளித்த பேட்டியில் படுகொலை செய்யப்பட்ட பாரூக்கின் தந்தை ஆர் ஹமீது (54) கூறியிருக்கிறார். “தந்தை பெரியாரின் கொள்கைகளை நான் படிக்கத் தொடங்கி விட்டேன்” என்றும் அவர் கூறினார். கோவை உக்கடம் பகுதியில் மக்கள் நெருக்கடி மிகுந்த பிலால் எஸ்டேட் எனும் குறுகிய வீதியில் அவரது சிறிய வீட்டில் அமர்ந்து பேசிய அவர், “நான் திராவிடர் விடுதலைக் கழகத்தில் இணைவது என்று முடிவு செய்துள்ளேன்” என்றார். “மூட நம்பிக்கை களுக்கு எதிராக நான் போராடப் போகிறேன். ஆனால் மதங்களுக்கு எதிராகப் பேசுவதில் எனக்கு அவ்வளவாக ஆர்வம் இல்லை. நம்முடைய ‘ஆன்மா’தான் கடவுள் என்று நம்புகிறேன்” என்றார் அவர். “இது ஏதோ உணர்ச்சிவசப்பட்டு நான் எடுத்த முடிவு அல்ல. நன்றாக சிந்தித்து எடுத்த முடிவு”  என்றும் அவர் கூறினார். “இது குறித்து திராவிடர் விடுதலைக் கழகத் தலைவர் கொளத்தூர் மணியிடம் கலந்து பேசவிருக்கிறேன்; அதற்குப் பிறகு மூடநம்பிக்கைகளை எதிர்க்கும் போராட்டத்தில் எப்படிப் பங்காற்றுவது என்பது குறித்து முடிவு செய்வேன்” என்றும் அவர் கூறினார்.

என்னுடைய மகன் கொள்கைகளை பேசியதற்காகவே கொலை செய்யப்பட்டான். வேறு எந்த தனிப்பட்ட காரணமும் இல்லை என்று அவர் உறுதியாகக் கூறினார். “கொலை செய்தவர்களின் ‘ஆணை’யை ஏற்று, எனது மகன் மத - இறை மறுப்புக் கொள்கைகளை கைவிடுவதாக கூறியிருந்தால் அவன் உயிரோடு இருந்திருப்பான். ஆனால், என் மகன், அவன் ஏற்றுக் கொண்ட தத்துவத்தில் உறுதியாகவே இருந்தான். இப்படி ஒரு மகனுக்கு தந்தையாக இருப்பதில் பெருமைப்படு கிறேன்” என்றார் ஹமீது.

கொலையோ, வன்முறையோ எந்த ஒரு பிரச்சினைக்கும் தீர்வை வழங்கிடாது என்ற செய்தியை நான் சமுதாயத்துக்கு உணர்த்த வேண்டும் என்பதற்காகவே திராவிடர் விடுதலைக் கழகத்தில் இணைய வேண்டும் என்ற முடிவுக்கு வந்துள்ளேன் என்று கூறிய அவர், “இஸ்லாம் வன்முறையை போதிக்கவில்லை. மதத்தின் பெயரால் கொலை செய்யும் உரிமை - எவருக்குமே இல்லை” என்றார்.

தூத்துக்குடி மாவட்டம் திருவைகுண்டம் தான் ஹமீதின் சொந்த ஊர். 8ஆம் வகுப்பு வரை படித்தார். 1983இல் உக்கடம் ‘பிலால் எஸ்டேட்’ பகுதியைச் சார்ந்த நஃபீஷாவை 1983இல் திருமணம் செய்து கொண்டார். மூன்றாண்டுகளுக்குப் பிறகு அவரது குடும்பம் சென்னைக்கு ஒரு வாடகை வீட்டில் குடியேறியது. மீண்டும் 2003இல் கோவை உக்கடம் பகுதிக்கே திரும்பியது. கொலை செய்யப்பட்ட பாரூக் 10ஆம் வகுப்பை முடித்து விட்டு பழைய இரும்பு பொருள்களை விற்கும் தொழிலை நடத்தி வந்தார்.

இதற்கிடையே பாரூக்கின் தந்தை ஹமீது சென்னை வால்டாக்ஸ் சாலையில் உள்ள ஒரு விடுதியின் நிர்வாகியாக பணியாற்றி வந்தார். கடந்த மார்ச் 16ஆம் தேதி இரவு 12.10 மணிக்கு பாரூக் கொலை  செய்யப்பட்ட அதிர்ச்சி செய்தியை உறவினர்கள் தொலைபேசி வழியாக தெரிவித்த போது ஹமீது சென்னையில்தான் இருந்தார். “என்னுடைய மனைவிக்கும், மருமகள் ரஷீத்தா வுக்கும், பாரூக் திராவிடர் விடுதலைக் கழகத்தில் தன்னை இணைத்துக் கொண்டு செயல்பட்டது தெரியும். ஆனால், எனக்கு இந்த செய்தி தெரியாது. கோவையில் இந்து முன்னணி பொறுப்பாளர் சசிகுமார், கொலை செய்யப்பட்ட போது கோவையில் நடந்த கலவரத்தையொட்டி எனது மகன் கைது செய்யப்பட்டபோதுதான் அவன் திராவிடர் விடுதலைக் கழகத்தில் சேர்ந்து செயல்படுகிறான் என்பதே எனக்குத் தெரிந்தது. பாரூக் வழக்கை திராவிடர் விடுதலைக் கழகமே எடுத்து நடத்தியது. பாரூக் மீது குண்டர் தடுப்புச் சட்டம் பொய்யாக போடப்பட்டது. அறிவுரைக் குழுமத்தில் அந்த சட்டம் நீக்கம் செய்யப்பட்டு பாரூக் விடுதலை செய்யப்பட்டதற்கு திராவிடர்  விடுதலைக் கழகம் தான் காரணம் என்றார் ஹமீது. (அறிவுரைக் குழுமத்தில் பாரூக் மீதான குண்டர் சட்டத்தை எதிர்த்து திராவிடர் விடுதலைக் கழகத் தலைவர் கொளத்தூர் மணி வாதாடினார் என்பது குறிப்பிடத்தக்கது - ஆர்)

இவ்வாறு ‘டைம்ஸ் அப் இந்தியா’ தனது செய்திக் கட்டுரையில் எழுதியிருக்கிறது.

“எங்கள் கழகத்தில் இணைவதைவிட அவருடைய பாதுகாப்பே எங்களுக்கு முக்கியம்”

இஸ்லாமிய அடிப்படை வாதத்துக்கு பலியான கழகத் தோழர் பாரூக்கின் தந்தை, திராவிடர் விடுதலைக் கழகத்தில் இணைந்து செயல்பட

விருப்பம் தெரிவித்தாலும் அவர் கழகத்தில் இணைவதைவிட அவரது பாதுகாப்பையே நாங்கள் முக்கியமாகக் கருதுகிறோம்” என்று

கோவை மாவட்டக் கழகத் தோழர்கள் ‘டைம்ஸ் ஆப் இந்தியா’ ஏட்டுக்கு அளித்த பேட்டியில் கூறியுள்ளனர்.

இது குறித்து ‘டைம்ஸ் ஆப் இந்தியா’ வெளியிட்டுள்ள செய்தி:

“பாரூக்கின் தந்தை திராவிடர் விடுதலைக் கழகத்தில் இணைத்துக் கொள்ள முன் வந்தாலும் கோவை மாவட்ட கழகத்தின் தோழர்கள் பாரூக்கின் தந்தை பாதுகாப்பே முக்கியம். அது பற்றித் தான் நாங்கள் கவலைப்படுகிறோம் என்று கூறினார்கள். இப்போது எங்கள் கவலை எல்லாம் பாரூக்கின் இரண்டு குழந்தைகளுக்கும் எதிர்காலத்தில் கல்வி வழங்க வேண்டும் என்பதுதான். வழக்கறிஞர் ஆக வேண்டும் என்பது ஒரு குழந்தையின் விருப்பம். அது குறித்தே நாங்கள் சிந்தித்து வருகிறோம். மற்றபடி பாரூக்கின் தந்தை எங்களது கழகத்தில் இணைத்துக் கொள்ள வேண்டும் என்பதில் எங்கள் கழகம் முனைப்பு காட்ட வில்லை” என்று கோவை மாவட்ட திராவிடர் விடுதலைக் கழக செயலாளர் நேருதாசு கூறினார்.

பாரூக்கின் குடும்பத்தினரும் இதே கவலையைத்தான் தெரிவித்தார்கள். பாரூக்கிற்கு நேர்ந்த கதி அவரது தந்தை ஹமீதுக்கும் நேர்ந்து

விடக் கூடாது என்று

நாங்கள் அஞ்சுகிறோம்.

மத அடிப்படைவாதிகளால் ஹமீதும் குறி வைக்கப்படலாம் என்ற பயம் இருக்கிறது. எனவே அவரை தனியாக எங்கும் நாங்கள் வெளியே அனுப்பவோ பயணம் செய்யவோ அனுமதிப்ப தில்லை” என்று பாரூக்கின்  மைத்துனர் அய். ஷாஜஹான் கூறினார். ஹமீது எங்கு சென்றாலும் - ஷாஜஹான் துணையாக செல்கிறார்.

‘இனமுரசு’ சத்தியராஜ், தோழர் பாரூக் குடும்ப நிதியாக ரூபாய் ஒரு இலட்சம் வழங்கினார்

‘இனமுரசு’ நடிகர் சத்தியராஜ், பகுத்தறிவு கருத்துக்களை பேசிய காரணத்தினால் இசுலாமிய அடிப்படைவாதிகளால் படுகொலை செய்யப்பட்ட தோழர் ஃபாருக் குடும்ப நிதியாக ரூ. 1,00,000/= (ரூபாய் ஒரு லட்சம்) காசோலையாக சென்னை மாவட்டக் கழக பொறுப்பாளர்களிடம் வழங்கினார்.

திராவிடர் விடுதலைக் கழக தலைமை நிலையச் செயலாளர் தபசிகுமரன், மாவட்டச் செயலாளர் உமாபதி, மாவட்டத் தலைவர் வேழவேந்தன்,  செந்தில், எப்.டி.எல்., ஆகியோர் நடிகர்சத்யராஜ் இல்லம் சென்று காசோலையைப் பெற்றுக் கொண்டனர்.

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Comments   

0 #1 செ. நடேசன் 2017-04-20 02:02
ஃபரூக்கின் தந்தை ஆர்.ஹமீது அவர்கள், “நான் திராவிடர் விடுதலைக் கழகத்தில் இணைவது என்று முடிவு செய்துள்ளேன்” என்று கூறியதும், திராவிடர் விடுதலைகழகம், “எங்கள் கழகத்தில் இணைவதைவிட அவருடைய பாதுகாப்பே எங்களுக்கு முக்கியம்” என்று குறிப்பிட்டுள்ள தும் நெகிழவைக்கின்றன . ஃபரூக் குடும்பத்துக்கு ரூ.ஒரு இலட்சம் நிதியளித்த நடிகர் சத்யராஜ் அவர்களுக்கு நன்றியும், பாராட்டுக்களும் . - செ. நடேசன்
Report to administrator

Add comment


Security code
Refresh