ஏதோ

யோசித்தபடியே

கசக்கிக் கொண்டிருந்த

கண்களின் இடுக்குகளில்

வந்து மறைந்து போனது

தன் பிஞ்சு கைகளை

அழகாய் அசைக்கும்

குழந்தை.

 

ரயில் வேகத்திலும்

யாரோ ஒருவரின் பதில்

கையசைப்பின் நிகழ்தகவிலும்

மீண்டும் விளையாட

திரும்பி இருப்பான் என்பதுமான

குழப்ப வெளியினூடே

மறைந்து போனது

என் பதில் கையசைப்பின்மையின்

உறுத்தல்கள்!

 

- செந்தில் கணேஷ் செண்பகமூர்த்தி

Pin It