காடு மலை கடந்து அந்த அதிசயப் பூவை
நீ பறிக்கையில் தான் நிஜமாகவே
அது அதிசயப் பூவானது
*
'யக்கா கொஞ்சம் ரசம் குடேன்'
என்று நீ வருகையில் எல்லாம்
மதுவாகிப் போகிறது என் வீட்டு ரசம்
*
சிறுவயதில் நீ கொடுத்த
காதல் கடிதங்கள் தான்
என் பீரோவின் வாசனைத் திரவியங்கள்
*
நிலவில் கால் வைப்பதா கடினம்?
நிலா காயும்
உன் வாசலில் கால் வைப்பது தான் கடினம்
*
ஆற்றில் முகம் பார்க்கிறாய்
கவலையெல்லாம் பிம்பம் முந்திக் கொண்டு
காதல் சொல்லி விடுமோ என்பது தான்
*
சாலையோர பொம்மைகளிடம்
உன்னைக் காட்டி சொல்ல வேண்டும்
சேலையோர பொம்மை நீ என்று
*
மிட்டாய் தாள் பிரிக்கும்
உன் விரல்களில்
குழந்தையின் உதடுகள்
*
பூக்கள் நடுவே புகைப்படம் எடுக்கிறாய்
அது புகைப்படத்துக்குள்ளே
பூக்கள் நடுவது
- கவிஜி
