Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

கீற்று படைப்புகளை மின்னஞ்சலில் பெற...

Enter your email address:

Keetru RSS Feed

கடைசி பதிவேற்றம்:

  • திங்கட்கிழமை, 16 அக்டோபர் 2017, 14:13:07.

உன்னிடம் பேச நினைத்த
சொற்கள் முழுதும்
அம்பாரமாய்
குவிந்து கிடக்கிறது

உன் முத்தம் பெறாத
என் முன் நெற்றி
வெறுமை
சூடிக்கிடக்கிறது

உள்ளங்கைப் பற்றி நீ
அனுப்புகிற உயிர்சூடு பெறாமல்
என் ஆயுள்ரேகை
உறைந்து போய் கிடக்கிறது

உன் தோள் சாய்ந்து
என் துயர் சொல்லாது
மனமோ துவண்டு
போய்க்கிடக்கிறது

கரங்கோர்த்து
கழுத்தணைத்து
கன்னத்தில் நீ தருகிற
முத்தமின்றி
காணாமல் போகிறது
என் பொழுதத்தனையும்

பெய்கிற மழையுள்
நனைந்தும்
அணைய மறுக்கிறது
என் அன்பின்ஜூவாலை

அடுத்தடுத்த
மழை கிளர்த்துகிற
வெக்கை நீக்க
உன் உள்ளங்கை வேண்டும்
கன்னம் வைத்து படுத்துறங்க
காத்திருக்கிறேன்
வா!

- இசைமலர்

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh