திடீரென தற்கொலை செய்துகொண்டாள்
மூணாவது வீடு ஹேமா அக்கா.
ஒவ்வொரு வாயிலும்
வெவ்வேறு காரணம் புரள...
சிதையில் எழும்பிய
நெருப்பில் கரைந்தது
உண்மை!
-----------------------------------------
காதல் தோல்வியால்
தற்கொலை செய்த
பதினோராங்கிளாஸ்
சக்திவேலு வீட்டை
சிரித்தபடி கடக்கிறான்...
ஊனமுற்றோர் நிதியில்
ஜெராக்ஸ் கடை நடத்தும்
போலியோ பாண்டி
-----------------------------------------
காதலுக்காக தற்கொலை
செய்தவர்கள் சிதையில்
காறி உமிழ்கிறாள்
காதல் தேவதை
-------------------------------------------
தனதுரிமையை பறித்த கடுப்பில்
கடவுள் கிழித்தெறிகிறார்
தற்கொலை செய்தவர்கள்
பட்டியலை!
- சஜயன்