என் கண்ணிற்குப் பார்வையைத் தரும் அந்த
வெளிச்சத்தை கண் சிமிட்டாமல் பார்க்கிறேன்
ஒத்தையடிப்பாதையை செம்மண்சாலையை தார்ரோட்டை தேசிய நெடுவழிச்சாலையை
ஏரிக்கரை சுற்றியிருக்க நடுவில் சிக்கிக்கொண்ட
என் ஊரிலிருந்து விரியும் சாதி தொழில்நுட்பமற்று
எல்லாரையும் இணைத்து
ஒரே குட்டையில் ஊறிய மட்டைகளாகவே வைத்திருக்கிறது
கோடை வெய்யிலில் மூச்சிறைத்த வெறிப்பிடித்த நாய்
எலும்புத்துண்டை கடிக்கும் நெனப்பில்
மேலிருந்து சொரவானமடிக்கும் வெப்ப ஒளியை
கவ்வி சாகும்போது என் முப்பாட்டி
அவள் ரத்தத்தில் ஊறிய ஒப்பாரியையும் மறந்திருப்பாள்
-ஜெயபிரகாஷ் (இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.)
