Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

உயிர் ஓயும் வலிதாங்கி.....
அம்மா அம்மாவென தன்னந்தனியே
துடிதுடித்தழுகிறேன்.......
பிரசவ வலியறியா எனதுடலை
தலைகீழாய் தூக்கிப்பிடித்தபடி
நிலைகலங்கி வீழ்கிறேன்.......
நெஞ்சம் முழுக்க அச்சம் வியாபிக்க
நொடிப்பொழுதில் பிறந்துவிடுமென
ஆசுவாசம் கொள்ளுமென் மனது.......
உடனழைத்துச் செல்ல
யாருமில்லை
சாதியற்ற கருவை சுமப்பதினால்.......
நடக்க நடக்க சோர்வில் சாயுமென்தேகம்
சட்டென நெடிய வலியுணரும்.........
கருப்பை வாய்பிளந்து ரணம் கிளறகிளற
வானம் இடிய ஓலமிட்டவளாய்
அங்குமிங்கும் படுக்கையில்
சுழன்றடித்திருப்பேன்.........
சிறுநீறும் இரத்தமும்
உடைகளை நனைத்துக்கலைக்க
மல்லாந்து விழித்திருக்கும் என்
கால்களுக்கிடையில் லேசாய்
எட்டிப்பார்க்கும் தலை........
வெளிவரத்தோதாய் கிழித்துவிடப்பட்ட
யோனிவழியே கைவைத்திழுக்க
இரத்தம் தோய்ந்த மேனியாய்
பதறியழும் உயிர்த்த சிசுவொன்று....

- வழக்கறிஞர் நீதிமலர்

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh