Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

man 226புதிய
முகங்களை
பார்க்கும் போதெல்லாம்
பழைய குரூரங்கள்
ஆள் ஆளுக்குள்
அப்பிக்கிடக்கிறது!

சலவை செய்து
போட்டாலும்
மனச்சாளரத்தைத்
தாண்டி
அழுக்கு உடையாகிறது
ஆளற்ற மனம்!

வழிதவறி
கால்கள் இடறுண்ட கணம்
வழியை மறந்து
ஒரு மனிதவாசனையை
நுகரும் கண்ணில்
வந்து விழும்
மனிதன்
கடவுளாக அவதரிக்கிறான்!

எதிர்பாராத
நொடியில்
வீதியில் விழுந்த
வழிப்போக்கனை
தூக்கி மடிமீது
சாத்தும்
இளம்பெண்ணொருத்தி
தாய்மைக்கான
அடையாளத்தை
விட்டுச் செல்கிறாள்!

ஒருவர்
கண்ணீர் சிந்தும்போது
சொற்களை
கொண்டு துடைக்கும்
அகன்ற வார்த்தைகளில்
பழைய சுவரில்
புதிய பூச்சுக்கலவையாய்!....

- ஜெ.ஈழநிலவன்

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh