Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

அவ்வப்போது
என்னை ஆண் என்னும்
முகமூடியால் மூடிக்கொள்!

என் காலத்திற்கு
நீ யிட்ட பெயரில்
இன்னும் மாற்றமில்லை
உன் பெயரில்
பல உருவங்கள்
முகிழ்ந்து கொண்டிருக்கு!

சில வேளை
வெறித்தனம் பிடிக்கும்
என் சன்னலுக்கு
நகரமுடியாத
அதன் ஆணிகள்
சாபக்கோடு கிழித்திருக்கும்
அதனால்
காற்றை கடன்வாங்கி
கைதட்டி அழுகிறேன்
பட பட என்று!

கடலில் வீழும்
மழைத்துளியை
கண்டுகொள்ளாத அலைகள்
ஒவ்வொரு வீட்டின்
தலைகளாய்!

உனது வருகைக்கு
முன்
உதிரும் ஒவ்வொரு
சொட்டு கண்ணீரும்
எனது மார்புக்குள்
மறைகிறது!

நிழலை விழுங்கும்
வெயிலென
உன் பெயரால்
உருகும் என்
மெழுகுவர்த்தி...

- ஜெ.ஈழநிலவன்

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh