Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

களைபிடுங்கிய
கையோடு
கஞ்சிக்காக காத்திருந்தாள்
அய்யம்ம்மா
மாறாத ஒற்றைவழியால்
மனங்கோணி
ஓட்டைவிழுந்த தாவணியை
உயர்த்திப்பிடித்தபடி
வந்தாள் மகள்
குடல் பிதுக்கி நின்ற
நெற்கதிர்கள்
அய்யம்மாவின் குடலை
நினைவுபடுத்திக்கொண்டிருந்தது
அடுத்த வேளைக்கு நீரில்லாமல்
அலுமினியச்செம்பில்
கடைசி சொட்டையும் விடாது
குடித்த
அய்யம்மாவின் அடுத்த வேளைக்கான
தாகம்
செம்பில் சேற்றுக்கை தடயமாய்
ஒட்டியிருந்தது
வயலின் வயிற்றைப் போல்...

- ஜெ.ஈழநிலவன்

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh