Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

சிந்தனையாளன்

‘மூடு

டாஸ்மக்கை மூடு’

கடலோசையும் விஞ்சிக்

காற்றில் தீமூட்டிய

இந்தப் பாட்டோசை

கொடநாட்டுக்

குளிரையும் குடைந்து

அம்மா காதுகளைக்

கிழித்தது!

கோவனைக்

கொண்டுபோய்ச்

சிறையில் அடைத்தது!

ஒரேநாளில்

காந்தி அளவுக்கு

உயர்ந்துவிட்டார்

தோழர் கோவன்!

காரணம்

‘இபிகோ 24ஏ தான்

இருவர்மீதும் பாய்ந்தது

தள்ளாட்டம் தொலைத்துத்

தமிழகம் எழுந்தது!

‘மகஇக’வின் பெயர்

கல்வெட்டானது

மக்கள் மனங்களில்!

கட்சிகளெல்லாம்

ஓரணி திரண்டதைக்

காணப்போவது

எந்தக் கணங்களில்!

இன்னும் பொறுத்தல்

இழிவெனக் கருதி

முன்னாள் ‘நீதி’களும்

முட்டி தூக்கிவிட்டனர்

சாராய விற்பனைத்

தரகர்

ஆற்றுமணற் கொள்ளை

அரம்பர்

தாதுமணல் தாதாக்கள்

கொள்ளையடிக்கும்

நேரத்தில்

கோவன் தேசத்துரோகக்

குற்றத்தில்!

புயலும் வெள்ளமும்

தமிழகத்தையே

புரட்டிப் போடுகிறது!

இவற்றையெல்லாம் கடந்த

உச்சிக்கேறும்

அம்மாவின் சீற்றச் சினம்

உச்சநீதிமன்றம் வரை

ஓடுகிறது!

கட்டாயம் -

மக்கள் அதிகாரம்

மலரும்!

தங்கைகள் அதிகாரம்

தவிடுபொடி யாகும்!

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh