உதட்டு முத்தம் பட்டுநழுவியோடுகிற தேவதையின்
வண்ணம் நீலம்
அவளின்
உள்ளிறங்கி நீராடும்
என் தலைமீது செல்லும்
மாநதி
நடந்து வந்த பாலை
தெப்பமாகித் தெவங்கும்
இவ் ஒட்டகம்
வெங்காட்டின்
சிறு பறவைக்கு
நீர்ச்சுனை
இடதில் ஒரு சிறகு
வலதில் ஒரு சிறகு
குழி நீரில்
குளித்த கருங்காகம்
சமுத்திரத்தின் கிளையில்
கட்டியது கூடு
நரம்புகள் தோறும்
நதிகள் ஊறி
திசைகள் குழம்பி
மோதித் தெறிக்கிறது
துளி
வான் மட்டும் மேவி
மேலும் பரவும் தண்ணீர்
இப்போது
பிரபஞ்ச நீர்மத்தில் மிதக்கிற
நிலா நான்.
- வே. ராமசாமி