Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

சீக்கிரம் உடம்ப குறைக்கறேன்
என்கிறாய்
சற்று நேரத்துக்கு உன்னுடல்
சுமக்கிறேன்

எதுக்கு குறைக்கணும்
முணுமுணுத்து சிரிக்கிறேன்
எதுக்கும் குறைக்கணும்
கலகலத்து சிரிக்கிறாய்

அதே இடம் அதே நேரம் அதே காதல்
நீ மட்டும் புதிது
பார்த்த நான் கூட வேறு

எதிர்ப்படும் வண்டியெல்லாம்
இசைக்கிறதோ
நினைப்புக்கு உன் சிரிப்பு
நினைக்க நினைக்க
இசை கோர்ப்பு

திரும்பு மாமா என்கிறாய்
கரும்பு சாறு செவியில்
முதுகு சாய்ந்து கொள்கிறாய்
திரும்பும் இதயம் நொடியில்

தாபம் தலைக்கேற
பின்கழுத்தில் உன் மூச்சு
சாபம் இவ்வுலகம்
திரும்பும் திசையெல்லாம்
லைட் போட்டு வெச்சிருக்கு

அந்தக்கதை செம
கொல்லுதுடா என்கிறாய்
இந்தக்கதை நல்லாருக்கே
அள்ளுதுடி என்கிறேன்

வயிறோடு வளையும்
கையில் கொஞ்சம் சூடு
கொஞ்சம் குளிரு
உன்னோடு வளையும் சாலையில்
கொஞ்சம் தேனீர்
கொஞ்சம் கவிதை

மூங்கில் காடு யானை மனது
கண்கள் தேட யாவும் நாமே
கையில் கிள்ளினாய்
பேருந்து நிற்கிறது

கனவை அனுப்பி விட்டு
காற்றில் முத்தமிடுகிறாய்
கவனம் புள்ளியாக என் இருத்தல்
தூரம் போகிறது

இனி

ஆரஞ்சு முட்டாய் இனிப்பு
வீடு வரைக்கும்
ஆந்தை முழி யோசனை
அடுத்து பாக்குற வரைக்கும்....!

- கவிஜி

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh