Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

கீற்று படைப்புகளை மின்னஞ்சலில் பெற...

Enter your email address:

Keetru RSS Feed

அண்மைப் படைப்புகள்

கடைசி பதிவேற்றம்:

  • திங்கட்கிழமை, 22 மே 2017, 10:11:16.

ghost 324நேற்றிரவு
ஒரு பேயைக் கண்டேன்
நூறு முகங்களை
சுமந்து கொண்டு நின்றது

முதலில் பயந்தாலும்
பின் தைரியமாய்
என்ன வேண்டும் என்றேன்

அது அங்கும் இங்கும்
நடந்தது
ஏதேதோ பேசியது

தூரத்தில் பிரபஞ்சம் உடைந்து
விழும் ஓசையாய் எனக்குள்
தீர்ந்து கொண்டிருந்தது
ஓர் இரவு

அறுபடும் சத்தத்தில்
காதுகளில் கண்கள் முளைக்க
தீ தின்ற தவிப்போடு
தாகம் தோண்டச் சொன்னதாக
காட்சியின் மாற்றத்தை
காவு வாங்கியது
கால் வழியே வழிந்து ஒழுகிய
அதன் இல்லாமை

என் கண்கள் குடைந்து
உள்ளிருந்த மச்சங்களை
பிடுங்கி கையில்
வைத்து ஓ வென
அழுது அரட்டியது

கண்களற்ற எனக்கு
பாவமாய் இருந்தது
அழுகையை வாரித் தந்து
இன்னும் அழ தட்டிக்
கொடுத்தேன்

கை கொட்டி சிரித்த பேய்
சற்று நேரம்
என்னை உற்றுப் பார்த்து விட்டு
கண்ணாடிக்குள் என்னை அடைத்து
விட்டுப் போனது

பிறகு எப்போதும் அது வரவேயில்லை
என்றார்கள்
என்னை எப்போதும் காணாதவர்கள்

- கவிஜி

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh