Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

silent time

ஓர் இரவின் மௌனம்
மழை தொடர்ந்த மௌனம்

சாவு வீட்டில் இழப்பின்
துயரப்பிய கதறலை
விரட்டிய மௌனம்

பயணத்தின்
அயர்ச்சிக்கான மௌனம்
உடன்படாக் கருத்தொன்றின்
மனம் வெம்பி உடைந்த
மௌனம்

பெருங்குரலெடுத்து அழும்
பிள்ளையின் மௌனம்

இதையெல்லாம் தாண்டி
விழா முடிந்து
வெளியேறிய இரைச்சலுக்குப் பின்
வெறுமையப்பிய மௌனம்

காலடிகளை காதில்
கொண்டு சேர்க்கும்
மௌனம்

என்னைத் தொடரும்
மௌனம்
அத்துனையும்
நேசிக்கிறேன்!

மௌனம் அழகு
மௌனம் உயிர்ப்பு
மௌனம் கனம்
மௌனம் ஆறுதல்
மௌனம் சம்மதம்
மௌனம் சங்கடம்!

- இசைமலர்

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh