Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

beautiful eyesஇந்தக் கண்களில் எப்போதும்
துயரங்களின் பின்னடைவு
ஈரமாகவே இருக்கிறது
அதன் எல்லையைச் சுருக்கித்
தீட்டுகின்ற கண் மை
விபரம் தெரிந்த முதல்
எல்லையற்ற விருப்பமுடையது
துயரங்கள் முதன்முதலில்
சின்னச் சின்ன
வட்டக் குப்பிகளாகயிருந்தன
ஓரளவிற்கு வளர்ந்த போது
கட்டையான கூரிய முகத்தை
நீட்டிக் கொண்டிருக்கும் பென்சிலாகவும்
இப்போது
மெல்லிய கோடான சீரமைவில்
விலை உயர்ந்ததாகவும்
வாங்கப்படுகின்றது
துயரங்களின் கருப்பு வெள்ளையை
கண் பரிசோதிப்பு அறை
"யு கேவ் ப்யூட்டிஃபுலி பிக் ஐஸ்" என்றது
எந்தக் குறையுமில்லையெனத்
தீர்மானித்து அனுப்பும்
இரண்டாம் முறைப் பரிசோதனையிலும்
முதல் போல் மைதீட்டிச் செல்லவில்லை....!

- புலமி

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh