Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

நீண்ட காலத்துக்குப் பின்
பேசுகிறோம்...
மௌனங்களை
மொழியாக்க தெரியும் உனக்கு...
அழுகையை சிரிப்பாக்கிய
பழைய ஞாபகம் எனக்கு...
மென்சாரல் சாரளத்தில்
வளைவுகளே தூரங்களாய் இங்கே...
காடுமலை கனவுகளை
அலைபேசிக்குள் அலையவிட்டதாய் அங்கே....
வருத்தம் சோகம் புன்னகை நீ...
நினைவு கிளறல் நிஜம் நான்...
சற்று முன் சுற்றிய பூமிக்கு
வெளியே நம் பால்ய பிம்பங்கள்...
கடந்த கால தேசங்களை
வழித்தெடுத்து இன்று செய்ய
வகையாய் மனம் நிறைய நம்
சொற்கள்...
போதும் என்ற பொருளை
கடந்தே ஞானியான
நம் இருவருக்குள் நாமே
இருவராய்...
யாதும் யாவும் கடக்கும்
என்று என்றோ பேசிக் கொண்டதை
இன்றும் பேசினோம்...
என்றாவது மீண்டும் பேசுவோம்
கடக்கும் யாதும் யாவும் நாமும்
என்று...!

- கவிஜி

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh