மலிவுப் பதிப்பு தோழர்
ஒரு தேநீர்க் காசில்
புத்தகம் படிக்கலாம்.
காசில்லையா தோழர்
கடன் வாங்கி
புத்தகம் வாங்கு
நாடே கடனில் தானே
நடக்குது தோழர்
சட்டையைக் கிழித்து
கொடியை ஏற்று
அலுமினியக் குண்டானை விற்று
உண்டியல் வாங்கு
பசி தீர்ந்த பின்பு
நாம் உண்ணும் பிரியாணி
நிச்சயமாக
அடுத்தவனுடையதில்லை தோழர்
சும்மாவா வைத்தோம்
சிவப்பை,
விடியலில்
வானம் மட்டுமல்ல
வாழ்க்கையும் சிவப்புதான் தோழர்
புரட்சி வெடித்தால்
நம் வாழ்வு செழிக்கும்
......
எழுந்து நில் தோழர்
தலைவரின் கார் வருகிறது!
- சேயோன் யாழ்வேந்தன்