ஒழுங்கற்ற வடிவங்கள்

*
தொட்டு விலகும் ஒரு ஸ்பரிசத்தில்
புதைத்து வைத்திருக்கிறாய் உனது ரகசியத்தை

வீரியம் பொங்கும் எளிய நம்பிக்கையில்
நீ எழுப்பும் சந்தேக நுனி
அதன் இறுதி வரைப் பயணிக்கிறது

எந்தவொரு குறுக்குத் தோற்றத்தையும் வார்க்காமல்
இந்தப் பகலிலிருந்து பிதுங்கும் வெயிலில்
ஒழுங்கற்ற வடிவங்கள் கொண்ட நிழல்கள்
பித்துப் பிடித்து அசைகின்றது

விருப்பமின்றி வீசும் வராண்டா காற்றில்
எப்போதும் சப்தங்கள் கும்மாளமிடும் தெருக் கூச்சலை
அழுந்த மிதித்து என்னைத் தொட்டு விலகும்
உனது ஸ்பரிசத்தில் புதைந்து கிடக்கிறது
ஒரு ரகசியம்

******
--இளங்கோ (இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.)