கேள்வியுராத கிராமப் பெயரை
சுமந்து கொண்டு அலைகிறது
அவனுக்கான வேலை தேடும்
விண்ணப்பங்கள் நகரச்சாலைகளில்.
அரசுப்பள்ளி பூர்வீகத்தை
மறைக்கும் அவனது யுக்திகள்
தொடர்ந்து தோற்பதில்
அவனுக்கான நகர மரியாதை
வீழ்ந்து கிடக்கிறது.
கிராமத்து ஏழ்மை
குடும்பத்தினர் கடன்
தங்கை திருமணமென
தூக்கங்களைத் துரத்தும்
கேள்விகள் அவனது இரவின்
நிலா முற்ற ரசனைக்கு
ஏதுவாயில்லை.
சம்பளம் மீறிய தனிநபர் கடனில்
தங்கையின் திருமணம் முடித்து
விழிக்கிறது அவனுக்கான
இணை தேடும் பருவம்.
நுனி நாக்கு ஆங்கிலம்
அக்குள் மறைக்காத உடை
போதைக் கண்களின் சிரிப்பென
அவனைக் கடந்து போகும்
நவயுகப் பெண்களின்
பார்வைக்காகப் பற்ற வைத்த
பஸ் ஸ்டாப் சிகரெட்டுகள்
நுரையீரலைத் தின்கின்றன.
நவீன வாழ்வை நுகரும்
வேடமணிய அவன் இணைந்து
கொண்ட பணக்காரக்
கணவான்களின் சிநேகத்திற்கு
வீசும் சாமரங்கள் அவனது
தென்றலைக் களவாடுகின்றன.
பெண்ணியக் குற்றச்சாட்டு
கணவர் பற்றிய நவயுகப்
பெண்களின் எதிர்பார்ப்பு மிகுதி
வயதுக்கு மீறிய குடும்பப்பாரமென
நரைமுடிகளோடு நெஞ்சு
கனத்து அலைகிறான்
தோழிகளின் தோள்களைத் தேடி.
-சோமா
கீற்றில் தேட...
அண்மைப் படைப்புகள்
- தபோல்கர் கொலையாளிகளை தப்பவிட்ட சிபிஐ!
- ஆர்.என்.ரவிக்கும் சீமானுக்கும் கால்டுவெல் மீது கோபம் ஏன்?
- தேர்தல் ஆணையத்தை காணவில்லை!
- ராகுல் - மோடி நேரடி விவாதம்
- கொள்ளைக்காரர்கள், காட்டின் பாதுகாவலர்களாக மாறிய கதை
- சிறு மழைக்கு காத்திருக்கிறேன்
- நானமர்ந்த இரகசியக் கூடு
- சு.ம. திருமணமும் பு.ம. திருமணமும்
- பெரியார் முழக்கம் மே 16, 2024 இதழ் மின்னூல் வடிவில்...
- கடவுள், மதம் ஒழிந்தால்தான் ஜாதி ஒழியும்!
- விவரங்கள்
- சோமா
- பிரிவு: கவிதைகள்
அதி அற்புதம்....... .....
RSS feed for comments to this post