சிந்தனையாளன் - டிசம்பர் 2012

மிளகு நல்ல காரமாம்
மிளகாய் அதுபோல் காரமாம்
அளவாய்க் குழம்பில் சேர்த்திடில்
அமுதம் போலச் சுவைக்குமாம்
புளியம் பழம் புளிக்குமாம்
சாலை யோரம் கிடைக்குமாம்
புளி கரைத்துத் தாளித்தால்
வாசம் மூக்கைத்  துளைக்குமாம்
உப்பு நன்றாய்க் கரிக்குமாம்
கடல் நீரில் கிடைக்குமாம்
உப்பு  இட்ட பண்டத்தை
உவந்து மக்கள் உண்பராம்
வாழைப் பூவோ துவர்க்குமாம்
நோய் பலவும் நீக்குமாம்
இரும்புச்  சத்து நிறைந்ததாம்
யாரும் விரும்பி உண்பராம்
கழனிக் காட்டில் விளையுமாம்
கரும்பு தேனாய் இனிக்குமாம்
கருப்பஞ் சாற்றைக் காய்ச்சியே
கட்டி வெல்லம் செய்வராம்
பாகற் காயோ கசக்குமாம்
குடற் புழுவைப் போக்குமாம்
பந்தல் இட்டு வளர்ப்பராம்
பறித்துக்  குழம்பு வைப்பராம்
அறுசுவை உணவை உண்டிடலாம்!
அகிலம் சிறக்க வாழ்ந்திடலாம்!