Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

தொடர்புடைய படைப்புகள்

சிந்தனையாளன்

கார்ப்பரேட் பக்தர்களின்

கால்வலிக்கக் கூடாதென்று

பாதையை அகலப்படுத்துகிறார்களாம்

“ஃபண்டு” பரதேசிகள்!


முடிஞ்சா சுத்தட்டும்

இல்லையேல்

முடங்கிக் கிடக்கட்டும்!


மலைய சுத்தனுங்கிறதுக்காக

மலையையேவா சுருட்டுவாங்க....


வழியெல்லாம் ‘கரண்டு கம்பம்’

கால பரப்பிக்கிட்டு நிக்குது

வந்துட்டாங்கய்யா கையில

‘வாள’ எடுத்துக்கிட்டு!


ஏன்னா

மரம் ‘ஷாக்’ அடிக்காதில்ல...


பார்ரா....!

மக்கள் போராட்டத்துக்கு

மரியாதையே இல்ல!


விதுரன் சொல்லையும் மீறி

துயிலுரிக்கத் தொடங்கிவிட்டார்கள்

துச்சாதனர்கள்


ஆடை உரிக்கும்

அவமானம் தாங்கமுடியாமல்

‘அம்மா’வென அலறுகிறாள்

“அண்ணாமலை!”


‘வரம்’ கொடுத்தால்

மரங்களாய் வருவிக்கும் மாயம்

எந்தக் கண்ணனுக்கும்

இங்குத் தெரியாது!


மரம் வெட்டினால்

பணம் கிடைக்குமென்று மட்டும்

‘மினிஸ்டர் காட்டன்களுக்குத்’

மிகமிகத் தெரியும்!


ஆனால்...

மக்களுக்குத் தெரியும்

நீங்கள்

பஞ்சாயத்துத் தேர்தலுக்காகத்தான்

பள்ளம் வெட்டுகிறீர்களென்று!


பழம்பெருமை பேசும்

மலையையும்

பல்லுயிர்ப் பெருக்கும்

காட்டின் அந்தரங்கத்தையெல்லாம்

கடப்பாரையால் தோண்டுகிறார்கள்

கயவர்கள்!


நள்ளிரவில் நடக்கிறது

காடுகளின்மேல் வன்புணர்ச்சி!

காப்பாற்ற ஆளின்றி

கையுயர்த்திக் கதறுகிறாள்

‘திருவண்ணாமலை!’

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh