உன்னதம் - ஜனவரி 2005

திசை திருப்பக் கடிவாளம்
இருந்தும்
ரிதமற்ற குளம்படிச் சத்தமென
திக்கற்றுத் திரிகிறது
மனம்
பழுதடைந்த திசைகாட்டி
தரை தட்டிய கப்பல்
நீ வைத்த உறவுப் புள்ளிகளை
சரீரம் கொண்டு இணைத்தும்
அந்நிய பாவனையில்
முகங்களை சிருஷ்டித்து
உள் சித்திரத்தை
அணுஅணுவாய்
சிதைக்கிறது
இடமும் பொருளும்
ஒன்றெனச் சங்கமித்து
காலத்தைக் கடந்து நிற்கிறது
மனக்குதிரை