சமைத்த உணவே சமனமாக மறுக்க
உருண்ட வயிறு தடவி உருளும்
சதைப்பிண்ட கூட்டமொன்று

ஒட்டிய வயிற்றுக்கு நீரேனும் காட்ட
எச்சில் உணவையும் சேகரிக்கும்
எறும்பு கூட்டமொன்று

விதை நெல்லை சமைத்த பாவம்
சதிராடும் வயல்வெளியில்

நெல் தேடி அலுத்து
உமி சுமக்கும் பறவைக் கூட்டம்

பச்சையம் சமைக்க பச்சைகள்
இல்லா உலகில்

குச்சிகள் வீசும் விசக் காற்றில்
அழுக்கான நுரையீரலுடன்
ஏந்தப்படும் தட்டுகளில்
விழுகின்ற திட்டுகள்
சுரப்பிகளால் ஜீரணிக்கப்படுவதில்லை.

- பத்மாகிரஹம்