மருதோன்றி இலை மருத்துவக் குணமுள்ள அழகைக் கூட்டும் பொருள் ஆகும். மருதோன்றியின் பூவைத் தலையில் சூடினால் பேன், பொடுகு வராது. இலையை அரைத்துக் கைகளில் இட்டுக் கொண்டால் உச்சந்தலை சூடு தணியும். காலில் இட்டுக் கொண்டால் பித்த வெடிப்பு வராது. நகங்களில் நோய் வாராது. இலையை நிழலில் உலர்த்தி, அதனை எண்ணெயில் போட்டு சூடு படுத்திப் பயன்படுத்தினால் குளுமை உண்டாகும். வாரம் ஒருமுறை தேய்த்துக் குளித்தால் தலைச் சூடு குறையும். ஆனால் செம்பட்டையாக மாறவும் வாய்ப்புண்டு.