அதிவேகமாகச் செல்லும்கைப்பிடிகளற்ற
வெற்றுப் பேருந்தில்
தள்ளாடிக் கொண்டிருக்கிறேன்
குடிபோதையில் இருப்பதால்
ஓட்டுநர்,
கண் முன் தெரியாமல்
பேருந்தை ஓட்டுகிறார்.
ஏதோ ஒரு திருப்பத்தில்,
விரைந்து வந்த விசைகளால்
கண்ணாடி சன்னல் வழி
தூக்கி யெறியப் படுகிறேன்.
அப்போது,
அவசரமாய்
என்னைத் தாங்கிய
ஆயிரம் கைகள் நீயா?
இல்லை,
கட்டுக் கடங்கா வேகத்தில்
என்னை நசுக்க
வந்துக் கொண்டிருக்கும்
அடுத்தப் பேருந்து நீயா?
- கதிர்மொழி