சூழ்ந்திருக்கிறது
இராணுவமும் கடலும்

செவிப்பறையை பிளக்கிறது
பீரங்கிச் சத்தமும் விமானத்தின் இரைச்சலும்
வெடித்துக்கொண்டேயிருக்கிறது
குண்டுகள்

சிதறி ஓடுகிறது
மனித உயிர்கள்
நடந்துகொண்டேயிருக்கிறது
படுகொலைகள்

சோர்ந்து விட்டன கைகள்
ஆதரவுக்கு நீட்டி... நீட்டி
நீர்த்துப்போனது நம்பிக்கை

மரணத்திற்கு தயாராகாத உள்ளம்
சொல்லக் கூசுகின்ற அச்சம்
பிரித்தறிய முடியதா வதை

நீண்டுகொண்டேயிருக்கிறது
இரவும் பகலும் மௌனமாய்
முல்லைத் தீவில் 

- தங்கம் (இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.)