Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

rain cloudமழை பற்றிய பாடலொன்றை
பாடத்துவங்கினாள்
மழலைக்கு அம்மா..

இடையில் நிறுத்தி
மழையென்பது யாது?
எப்படி இருக்கும்..?

விளக்கத் தெரியாதவளை
நச்சரித்தாள்

அம்மாவுக்கு தெரியாது
அறிவியல் தத்துவம்..

அன்பியல் அறிந்தவள் ஓடிச்சென்று
வெளியில் பார்த்தாள்..
மழையும்
களவுபோயிருந்த்து
கொடியில் காயப்போட்ட ஆடையாய்..
ஆனாலது
ஓர் மழைக்காலம்..

சிறு நாழிகை இடைவெளியில்
கொஞ்சம் உவர்நீர் கைகளிலள்ளி
தெளித்ததில் உண்டானது
தற்காலிக மழையொன்று...

இதோ பார்த்துக்கொள்
'இக்கால மழை'யை
இலக்கணம் வகுத்ததும்
முடிவுக்கு வந்தது
சமாதான உடன்படிக்கை ...

காட்டு வேலைகள் முடித்து
அப்பக்கமாய் கண்டு கடந்ந
உழவனொருவன் மனதுள்
நிச்சயம் வழியும்
பல நீர்வீழ்ச்சிகளின் தொகுப்பு..

புறத்தில்
புன்னகை வடிவத்திற்கே மாறாய்
இன்னும் இருக்கும்
ஓர் புன்னகை

- அயன் கேசவன்

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh