Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

நீங்கள் என்றால்
நீங்கள் எல்லாரும் தான்....

தாஸ்தாவெஸ்கியை நெருங்க
அனுமதிக்காத உங்களைத்தான்....

வள்ளுவனை வாய் கொண்டு
மெல்ல முடியாத வாழ்வு
பெருங்கொடுமை...

பாரதியை முனகிக் கொண்டு
திரிவது எத்தனை அபத்தம்
வெடிக்க முடியாத வரிகளை
ஜீரணிக்காத மனம் வெடித்தாலும் தகும்...

நடுமதிய வானத்தை என் போக்கில்
ஏறெடுக்க இயலாத சிறைக்குள்
நான் பறவை தேடும் செக்காவ்...

இரண்டு நாள் சேர்ந்தாற் போல
படிக்க முடியாத எழுத முடியாத
வெள்ளைப் பக்கங்கள் முழுக்க
எனது ரத்தங்கள்....

நுகரட்டும் உங்கள் நகரம்!

பிரமிள்
கன்னத்தில் கைவைத்து
அமர்ந்திருக்கும் அறையில்
அடித்து போட்டாற்போல தூங்குவது
நிர்வாணத்தின் கூச்சம் எனக்கு...

பொறுத்திருங்கள்
தூக்கிட்டு தொங்கி உங்கள்
பிளாஸ்டிக் அரிசி வயிற்றிலிருந்து
விலகும் நாளில் நானொரு
ஆலன் போ வென ஜொலிப்பேன்....

காது அறுத்துக் கொடுத்த
வான்காவின் ஓவியத்தில் காலாட்டி
அமர்ந்திருக்கும் நீட்சேவை நீங்கள்
நினைத்தாலும் நெருங்க முடியாது...

ஆமென்றே வைத்து கொள்ளுங்கள்....

நான் நீட்சே மற்றும் காபிரியேல் அல்லது
ஜிப்ரான்.....

- கவிஜி

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Comments   

0 #1 பாஸ்கர் 2017-07-23 10:00
அருமை
Report to administrator

Add comment


Security code
Refresh