Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

இழவு வீட்டில்
பிணம் பிடிக்கிறீர்கள்...
பசிக்கு கை நீட்டுபவனிடம்
கேள்வி நீட்டுகிறீர்கள்...

நடிகையின் நான்காவது காதலை
நான்கு பக்கம் செதுக்குகிறீர்கள்...
விபத்தை எதுகை மோனையில்
ரத்தம் சொட்ட விளக்குகிறீர்கள்..

இடை தொடை.... உள்ளாடை
எது கிடைத்தாலும் வட்டமிட்டு
காட்டி விடுகிறீர்கள்...
படுக்கையறைக் காட்சி கிடைத்து விட்டால்
பத்து நிமிடத்துக்கொரு முறை
முகப்பறையை நீலமாக்கி விடுகிறீர்கள்...

ஆளுக்கொரு முறை
செந்தமிழைக் கொலை செய்கிறீர்கள்..
மைக்கை நீட்டி விட்டு
மனிதாபிமானத்தை மடக்கிக்
கொள்கிறீர்கள்...

இடம் பொருள் மறந்து
பேசுகிறீர்கள்..
கேள்வுக்கு கேள்வி கேட்பதை
அறிவென்று நம்புகிறீர்கள்...

அதிகார வர்க்கத்திடம் மட்டும்
அஞ்சுகிறீர்கள்...
ஆதிக்க சக்திகளிடம் மட்டும்
அடங்குகிறீர்கள்...

தெருச் சண்டைகளை
அரங்கத்துள் நிகழ்த்துகிறீர்கள்...
விளம்பரங்கள் வாயிலாக
அன்னியப் பொருளாதாரத்தைத்தான்
வளர்க்கிறீர்கள்...

இரண்டாயிரம் லஞ்சத்தை
வெளிச்சம் போட்டுக் காட்டுகிறீர்கள்..
இலஞ்சம் தவிர் என்ற
சகாயத்தை மூடி மறைக்கிறீர்கள்..

செய்திகளை கொடுக்காமல்,
உருவாக்கும் உங்களுக்கு...

வெறும் டி.ஆர்.பி.க்குள் இல்லை
இந்த நாடு என்பதை உணர்த்த
மீண்டும் துப்பத்தான் வேண்டியிருக்கிறது
"த்தூ வென"

- கவிஜி

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh