எட்டாத எதார்த்த வாழ்க்கை

டீக்கடைக்கு சென்று
டீமாஸ்டரைப் பார்த்து
சிநேகமாக சிரித்து
மாஸ்டர் ஒரு டீ
என உரத்துச் சொல்லி
டீயைப் போடும் முன்னே
தட்டில் தவம் கிடக்கும்
பஜ்ஜியை சுவைத்துக் கொண்டே
இடக்கையில் பேப்பரைப் புரட்டி
வலக்கையில் வாங்கிய டீயை
ஊதி ஊதி குடிக்கின்ற
நகர்புறத்து
எதார்த்த வாழ்க்கை கூட
எட்டிவிடவில்லை
கிராமத்து தலித்துக்கு.....

-  வீர பாண்டி