ஒன்றோடு ஒன்று ஒட்டி
வளர்ந்திருந்த இரட்டை மரங்கள்
இருந்த இடத்திலொரு வரவேற்பறையும்
கோபுரம் போன்று வளர்ந்து
சேர்ந்திருந்த இன்னுமிரு மரங்கள்
இருந்த இடத்தில் சின்ன படுக்கையறையும்
இன்னும் ஏனைய வளைந்த நிமிர்ந்த
வளர்ந்து கொண்டிருந்த
வளர்த்துக் கொண்டிருந்த
மரங்கள் இருந்த இடங்களில்
சமையலறை கார் பார்க்கிங்
இன்னபிற அறைகள் கட்டி முடித்தபின்
மறக்காமல் ஒவ்வொரு அறையிலும்
அலங்காரச் செடிகள் வாங்கி வைத்துவிட்டேன்..
அழகுக்கென்றும் அதோடு எனக்கு
இயற்கை பிடிக்குமென்பதாலும்...
- கிருத்திகா தாஸ்
RSS feed for comments to this post