grave 300சவக்குழியை தோண்டுபவன்
ஆழத்தை தீர்மானிப்பதில்லை
அவன் தீர்மானிப்பது
அங்கே வசிக்க வருகிறவனின்
செளகரியத்தை
அவன் அனுபவங்கள் வைக்க ஓர் அலமாரியை
பார்க்க வருகிறவர்களிடம் பேச
ஒரு சன்னலை
வலியை போட்டு மூடிவைக்க
ஒரு சின்ன அறையை
உட்புறமாக தாளிட்டுக்கொள்ள
ஒரு கதவை
திரும்பவும் கண்டெடுக்க முடியாத
ஒரு மறைவை
சவக்குழியின் ஆழம் தீர்மானிப்பதில்லை
உயிர்த்தெழலை.

Pin It