*
ஒரு
சிறு மன்னிப்புக்குரிய கதவு
எப்போதும் சாத்தப்பட்டே
இருக்கிறது
அதில் பொருத்தப்பட்டிருக்கும்
அழைப்பு மணி
வேலை செய்வதில்லை
மீண்டும் மீண்டும்
முயலும் போது
அதன் மூர்க்க மௌனம்
மேலும் இறுகுகிறது
துண்டித்துக் கொண்ட
உரையாடலின் சில வார்த்தைகள்
கடைசியாக
ஓர் அறிவிப்பை போல
அதன் மீது ஒட்டப்படுகிறது
*****
-- இளங்கோ ( இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும். )
