வெகு இயல்பாக இன்றளவும்
நாம் ஒருபோதும்
பரிமாறிக் கொள்வதில்லை
வேண்டுமளவு முத்தங்களை
ஒவ்வொரு முறையும்
ஒரு தற்காலிக நிகழ்வாக
இருப்பதற்கான
சூழ்நிலைகளை
முதலில் ஏற்படுத்திக் கொள்கிறோம்
நெடிய எதிபார்பின்
தவிப்பான தருணங்களிலும் கூட
ஒளித்து வைக்க முயல்கிறோம்
நமக்கான முத்தங்களை
யாரும் அறியாமல் இருக்கும் பொருட்டு
மூக்சிறைக்கும் முதுமையில்தான்
முத்தங்களை பகிர்ந்து கொள்கிறோம்
முடிந்த வரை எந்தப்
பீடிகையும் இல்லாமல்
ஒரு குழந்தையின் துள்ளலுடன்
இப்படியாக நாம் ஒளித்து வைத்த
முத்தங்கள் எல்லாம்
பலரும் அறியும் போருட்டு
நமக்கு எப்படியோ
மீண்டும் கிடைத்து விடுகிறது
கடைசியாக காட்சிப் பொருளாய்
நாம் தேகம் கிடத்திய நிலையில்
மனமுறுகி நம்மை வழியனுப்பும்
பல நெற்றி முத்தங்களாய்
RSS feed for comments to this post