கீற்றில் தேட

“ஆன்மிகம், தேசியம், பொதுவுடைமை, ஏகாதிபத்திய எதிர்ப்பு, காங்கிரசு அல்லாத ஆட்சி, ஆகியவை முத்துராமலிங்கத் தேவரின் கொள்கைகளாக இருந்தன. அந்தக் கொள்கைகளே எனது கொள்கைகளாகும்”

இப்படி ஒரு பொன்மொழியைத் தமிழக முதலமைச்சர் ஜெயலலிதா உதிர்த்திருக்கிறார். கடந்த பிப்ரவரி 9 ஆம் தேதி பசும்பொன்னில், முத்துராமலிங்கத் தேவரின் நினைவு இல்லத்தில் இருக்கிற அவரது சிலைக்கு 13 கிலோ எடையுள்ள தங்கக் கவசத்தை வழங்கியுள்ளார். அப்போதுதான் இந்த தத்துவத்தை அவர் பேசியுள்ளார்.

முத்துராமலிங்கத் தேவர் வலியுறுத்திய ஆன்மிகம் என்பது “இந்துத்துவம்”, அவருடைய தேசியம் என்பது “இந்திய தேசியம்”(இந்து தேசியம்), தேவர் வலியுறுத்திய “பொதுவுடைமை” என்ன என்பதை அம்மையார் தான் விளக்க வேண்டும். இல்லையென்றால் அம்மையாரைப் பிரதமராக்கியே தீருவோம் என்கிற கொள்கை வெறியுடன் இயங்கும் இடதுசாரிகள்தான் விளக்க வேண்டும்.

இந்துத்துவத்தையும், இந்திய தேசியத்தையும் தன் இரு கண்களாக போற்ற வேண்டும் என்று கூறிய முத்துராமலிங்கத் தேவரின் “ஏகாதிபத்திய எதிர்ப்பு” பாட்டாளி வர்க்க நலன் சார்ந்ததா என்பதையும் இடதுசாரித் தோழர்கள்தான் நமக்கு வகுப்பு எடுக்க வேண்டும்.அடுத்தபடியாக, தேவர் விரும்பிய “காங்கிரசு அல்லாத ஆட்சி” - அதுதான் தன் இலட்சியம் என்கிறார் ஜெயலலிதா.

தேவர் விரும்பிய காங்கிரசு அல்லாத ஆட்சி என்பது காமராசர் அல்லாத ஆட்சியைத்தான். பச்சைத் தமிழன் காமராசரின் பங்களிப்புதான் தேவருக்கு எரிச்சலாக இருந்தது. மற்றபடி காங்கிரசின் உடைமைச் சிந்தனையிலோ, ஏக இந்தியா கற்பிதத்திலோ தேவருக்கு எந்த மாறுபாடும் இல்லை.

நரேந்திர மோடிக்கும் தேவரின் கொள்கைகள் மிகவும் பிடிக்கும். காங்கிரஸ் அல்லாத ஆட்சியைத்தானே அவரும் விரும்புகிறார். இத்தைகைய கொள்கை கொண்ட தேவரின் கொள்கைகள்தான் தனது கொள்கையும் என்கிறார் அம்மையார். இந்த விசயத்தில் அம்மையாரை நாம் பாராட்டியே ஆக வேண்டும்.

ஏனென்றால், தான் ஒரு “இந்துத்துவ சக்தி” என்பதைத் தேவரின் கொள்கைகளே தனது கொள்கைகள் என்று பறைசாற்றியதன் மூலம் இவ்வுலகிற்கு வெளிப்படையாக அறிவித்துள்ளார். காங்கிரஸ், மற்றும் பாரதிய ஜனதாவிற்கு மாற்றாக இந்த “இந்துத்துவ சக்தி” யைத்தான் நம் தோழர்கள் முன்னிறுத்துகின்றனர்.

jeya-in-posumpon 600சூத்திர தேவரைப் பார்ப்பனர்கள் விரும்புவதன் பின்னணி என்ன?

கல்வி, சமூக தளத்தில் மிகவும் பின்தங்கிய சமூகமாக இருக்கும் கொண்டைய கொட்ட மறவர் சமூகத்தில் பிறந்தவர் முத்துராமலிங்கத்தேவர். நேதாஜி தலைமையில் இயங்கிய பார்வர்டு பிளாக் கட்சியில் தேவர் இருந்தாலும், வாஞ்சிநாதன், இராசாசி போன்ற பார்ப்பனத் தலைவர்களின் கொள்கைகளால் பெரிதும் ஈர்க்கப்பட்டவர். ஆர்.எஸ்.எஸ் முன்னோடியான “கோல்வால்கரை” தமிழகத்திற்கு அழைத்துக் கூட்டம் நடத்தியவர்.

திராவிட இயக்கக் கொள்கைகளை எதிர்ப்பதையே தன் வாழ்நாள் இலட்சி யமாகக் கொண்டவர். கொண்டைய கொட்ட மறவர், பிரான்மலைக் கள்ளர் சமூக மக்களிடம் பெரியாரின் சமூக நீதிக் கொள்கை சென்று சேராமல் பார்த்துக் கொண்டவர். இது போதாதா பார்ப்பனர் கள் தேவரைக் கொண்டாடுவதற்கு.

மேலும், காங்கிரசில் காமராசரின் செல்வாக்கைக் கண்டு கொதித்தெழுந்த இராசாசிக்கு, தேவரின் காமராசர் எதிர்ப்பு பயன்பட்டது. பிற்படுத் தப்பட்ட காமராசர் பெரியார் பக்கம் நின்றார். பிற்படுத்தப்பட்ட முத்துராமலிங்கத் தேவரோ, இராசாசி பக்கம் நின்றார். இராசாசியின், பெரியார் எதிர்ப் பிற்கும் தேவர் பயன்பட்டார். தேவரைப் போன்றே ம.பொ.சி என்கிற ஒடுக்கப்பட்ட சமூகத் தைச் சேர்ந்தவரும் இராசாசியின் ஆதரவு நிலைப்பாடு எடுத்தார்.

தமிழர் நலனிற்காகப் பாடுபட்ட பெரியாரைத் தமிழர்களைக் கொண்டே எதிர்த்த பார்ப்பனிய தந்திரம், இன்றும் நம் தமிழர் களுக்குப் புரியவில்லை. இன்றளவும் கூட சுப்ரமணியசாமி போன்ற தமிழின எதிரிகள் முத்து ராமலிங்கத் தேவரைக் கொண்டாடுவதில் உள்ள பார்ப்பனிய சதியைத் தமிழர்கள் புரிந்து கொள்ள வேண்டும்.

உண்மையிலேயே மறவர் சமூகம் கல்வியில், வேலை வாய்ப்பில் முன்னேற வேண்டும் என்கிற அக்கறை இந்துத்துவ சக்திகளுக்கு இல்லை. அவர்கள் காலங்காலமாக இதே நிலையில் இருக்க வேண்டும் என்பதே அவர்களின் விருப்பம். அதனால்தான் முத்துராமலிங்கத் தேவர் போன்ற இந்துத்துவ சக்தியை அவர்கள் முன்னிறுத்துகிறார்கள். வீரமங்கை வேலுநாச்சியாரும் கொண்டைய கொட்ட மறவர் சமூகத்தைச் சேர்ந்தவர்தானே(!) அவருக்கு ஏன் தங்கக் கவசம் செலுத்தவில்லை? அவருடைய வரலாறு முன்னிறுத்தப்படாததன் பின்னணி என்ன?

ஏனென்றால், அவர் திப்புசுல்தான் என்கிற இசுலாமிய மன்னனுடன் நட்பு பாராட்டியவர். “குயிலி” என்கிற தாழ்த்தப்பட்ட சமூகத்தைச் சேர்ந்த பெண்ணைத் தனது உறவாக நினைத்துப் பழகியவர். தன் சொந்தச் சாதியினரின் துரோகத்தைத் தோலுரித்தவர். பிரிட்டிஷ் ஏகாதிபத்தியத்தை எதிர்ப்பதையே தன் வாழ்க்கையாக வகுத்துக் கொண்டவர்.

இத்தைகைய சிறப்புடைய வேலுநாச்சியாரின் பெருமையை இந்துத்துவ சக்திகள் ஒரு போதும் பேசமாட்டார்கள். அப்படிப் பேசினால், அவர்கள் கொண்ட அரசியலுக்கு ஆபத்தாக முடிந்துவிடும். இசுலாமியர்களையும், தாழ்த்தப்பட்டவர்களையும் அரசியல் களத்தில் தனது தோழமையாக்கிக் கொண்ட வேலுநாச்சியார் போன்ற பெண் போராளிகளை மறவர் சமூக மக்களிடம் முன்னிறுத்தப் பயப்படுகிறார்கள். முத்துராமலிங்கத் தேவர் போன்றவர்களை முன்னிறுத்து வதன் மூலம் மறவர் சமூகம் எழுச்சி பெறாமல் தடுக்கும் வேலையை இந்துத்துவம் திட்டமிட்டுச் செய்து வருகிறது.

தேர்தல் காலங்களில் கொம்பு சீவப்படும் சாதிய உணர்வு

தென்தமிழகத்தில் உள்ள கொண்டையக் கொட்ட மறவர், பிரான் மலைக்கள்ளர் சமூகங்களை, சாதி உணர்வைத் தூண்டி விட்டு, தனக்கான வாக்கு இயந்திரமாகத் தக்க வைப்பது நீண்ட கால மாக அரசியல் தந்திரமாக இருந்து வருகிறது. தென் தமிழகத்தில் வெற்றியைத் தீர்மானிக்கும் வகையில் மறவர், கள்ளர், அகம்ப டையார் சமூகங்கள் அடர்த்தியாக இருக் கின்றனர். இத்தைகைய சூழலில் ஜெயலலிதா தன்னுடைய ஆட்சியைத் “தேவர் ஆட்சி” என்று சொல்லியே பெருமிதம் கொள்கிறார்.

இரண்டு ஆண்டுகளுக்கு முன்னால், இமானுவேல் சேகரன் நினைவேந்தல் நிகழ்ச்சிக்குச் சென்ற 7 தேவந்திரகுல வேளாளர்கள்(பள்ளர் சமூகம்) காவல்துறை நிகழ்த்திய துப்பாக்கிச் சூட்டில் உயிரிழந்தனர். அந்தச் சம்பவத்தில் மறவர்களுக்கும், பள்ளர்களுக்கும் இடையே சண்டை நடக்கவேயில்லை என்பது குறிப்பிடத்தக்கது.

அவைகள், அரசே தலைமையேற்று நடத்திய வன்கொலைகள் என்பதை நாம் குறிப்பிட்டாக வேண்டும். ‘தாழ்த்தப் பட்டோரை(குறிப்பாகப் பள்ளர்களை) அடக்கும் பொறுப்பை அரசே செய்யும். எனவே மறவர்களோ, கள்ளர்களோ சிரமப்பட வேண்டாம்’ என்று முக்குலத் தோருக்கு அறிவிக்கும் நிகழ்வே பரமக்குடி கொலைகள் என்றால் அது மிகையில்லை.

இந்தக் கூற்றை உண்மை என்று நிறுவும் வண்ணம், கடந்த அக்டோபர் 30 ஆம் தேதியன்று (தேவர் ஜெயந்தி யன்று), பரமக்குடியில் 7 தாழ்த்தப்பட்ட மக்களைக் கொன்று குவித்த காவல் துறைக்குப் பாராட்டுப் பத்திரம் வாசிக்கப்பட்டது. ஆக , இந்தப் படுகொலையும், பாராட்டுப் பத்திரமும் முக்குலத்தோரின் வாக்குகளைப் பெறுவதற்கான அரசியல் அரங்கேற்றம் என்ப தைத் தனியாக விளக்க வேண்டிய தில்லை.

பிப்ரவரியில் தேவர் பாசத்திற்கும், கவசத்திற்கும் காரணம் என்ன?

பொதுவாக அக்டோபர் மாதம்தானே தேவர் ஜெயந்தி கொண்டாடப்பட்டு வருகிறது. இந்த முறை பிப்ரவரியில் தேவர் சிலை மீது பாசம் வருவதற்குக் காரணம்(!) இன்னும் இரண்டு மாதங்களில் வர இருக்கிற மக்கள வைத் தேர்தல்தான். பொதுவாக முக்குலத்தோர் வாக்குகள் அதிமுகவிற்குச் சாதகமாகவே இருக்கும்.

ஆனால் இந்த முறை பாரதிய ஜனதாவின் இந்துத்துவச் சிந்தனைக்குப் பல முக்குலத்துச் சகோதரர்கள் பலியாகி வருகின்றனர். எந்த இந்துத்துவச் சிந்தனை மூலம் முக்குலத்தோரை ஜெயலலிதா தன் வயப்படுத்தினாரோ, அந்த அடிமை மனநிலைதான் தற்போது பாரதிய ஜனதாவிற்கும் சாதகமாக இருக்கிறது.

பெரியாரின் தாக்கம் குறைவாக இருக்கிற சமூகங்களை எளிதாக இந்துத்துவம் உள்ளிழுத் துக் கொள்ளும். அதன் படி பாரதிய ஜனதாவின் அகண்ட பாரத கனவிற்கு அடியாட்களாக, முக்குலத்தோரை வெறியூட்டும் வேலையை ஆர்.எஸ்.எஸ் செய்து வருகிறது. இதன்படி பார்த்தால், அதிமுகவிற்கு இருக்கும் செறிவான முக்குலத்தோர் வாக்கு வங்கியைப் பாரதிய ஜனதா பதம் பார்க்கிறது.

சிவகங்கை, ராமநாதபுரம், தேனி மாவட்டங்களில் பல கிராமங்களில், முக்குலத்தோர், பாரதிய ஜனதாவால் ஈர்க்கப்படுவதை அதிமுக தலைமை கண்டு கொண்டுவிட்டது. அதனால்தான் இந்தத் தங்கக் கவசம் அரங்கேற்றமானது. ஒரு வகையில் பார்த்தால், இதனை அதிமுகவின் தேர்தல் செலவு என்று கூட சொல்லலாம்.

இதைப் போன்று, கொங்கு நாட்டில் உள்ள கவுண்டர் சமூகமும் அதிமுகவின் வாக்கு வங்கிதான். ஆனால் அவர்களும் இந்த முறை பாரதிய ஜனதாவின் பக்கம் கணிசமாகச் சாய்கின்றனர். இதைப் போல், தமிழகம் முழுவதும் உள்ள பார்ப்பனர்களும் அதிமுகவின் வாக்கு வங்கிகளா கவே இருந்தனர். இந்த மக்களவைத் தேர்தலில், பார்ப்பனர்களும், பாரதிய ஜனதாவின் கரத்தை வலுப்படுத்த முடிவு செய்துவிட்டனர்.

ஆக, முக்குலத்தோர், கொங்கு வேளாளக் கவுண்டர், பார்ப்பனர்கள் என மூன்று சமூகத்தினரின் வாக்குகளும் கணிசமாகப் பாரதிய ஜனதாவிற்குச் செல்ல வாய்ப்பிருக்கிறது. இந்தச் சமூக மக்களின் வாக்குகள் பிரிந்து போகாமல் தடுப்பதற்கான முதல் முயற்சியே முத்துராமலிங்கத் தேவருக்குக் கவசம் அணிவித்த செயல் எனலாம். அடுத்தபடி யாக, கவுண்டர்களின் வாக்கு வங்கியைத் தக்க வைக்க தீரன் சின்னமலைக்குத் தங்கக் கவசம் ஆயத்தமாக இருக்கலாம்.

இந்த மக்களவைத் தேர்தலில், ஜெயலலிதாவும், நரேந்திர மோடியும் தங்களைத்தான் பிரதமர் வேட்பாளராக அறிவித்துப் பிரச்சாரம் செய்கிறார்கள். ஆனால், இதுவரை எல்லா மாநில முதல் வர்களையும் விமர்சித் துப் பேசிய மோடி, ஜெயலலிதாவை விமர்சிக்கவில்லை. ஜெயலலிதாவும் இதுவரை மோடியின் இந்துத்துவக் கொள்கைகளையோ, அவரின் அரைவேக்காட்டுப் பேச்சையோ விமர்சனம் செய்யவில்லை என்பதை நாம் உணர வேண்டும்.

எத்தனையோ அரசியல் கூட்டணிகளைப் பார்த்திருப்போம். ஆனால், உண்மையில் இதுவல்லவோ கொள்கைக் கூட்டணி. முக்குலத்தோர் சமூக இளைஞர்களுக்கு , தேவர் சிலைக்குத் தங்கக் கவசம் வழங்கியது என்பது, கிளர்ச்சியூட்டக் கூடியதாக இருக்கலாம். ஆனால், மறவர் சமூக இளைஞர்கள் கல்வி, பொருளாதார, சமூக எழுச்சி பெறுவதற்குப் பெரியார் அம்பேத்கர் என்கிற பகுத்தறிவு கவசங்களே தேவை என்பதை உணர வேண்டும். 

Pin It

திரைப்படங்களை நாம் கேட்டுக் கொண்டுதான் இருந்தோம். பாலுமகேந்திராதான் படங்களைப் பார்க்க வைத்தார். ஆம், உரையாடல் உலகத்திலிருந்து, கட்புல உலகத்திற்குத் திரைப்படத் துறையை நகர்த்தியவர்களில் குறிப்பிடத்தக்க ஒருவர் அவர்.

ஈழத்தில், மட்டக்களப்பில் பிறந்தவர் அவர். சிறுவயதிலேயே இந்தியாவுக்கு வந்துவிட்டவர். புனே திரைப்பட நிறுவனத்தில், ஒளிப்பதிவுத் துறையில் பயின்று, தங்கப் பதக்கம் பெற்ற சாதனையாளர்.

balu 6001971ஆம் ஆண்டு, தெலுங்குப் படமான ‘நெல்லு’ அவரைத் திரை உலகிற்கு அறிமுகப்படுத்தியது. பிறகு தமிழுக்கு வந்தார். 1975இல் தமிழ்த்திரைப்பட இயக்குனரானார். அவர் இயக்கிய முதல் படம் ‘அழியாத கோலங்கள்’. அதனைத் தொடர்ந்து பல வெற்றிப் படங்கள். மிகப்பெரிய வெற்றிப் படங்களில் ஒன்று, மூன்றாம் பிறை.

கவிஞர் கண்ணதாசன் எழுதிய ‘கண்ணே கலைமானே’ என்னும் அவருடைய கடைசிப் பாடல் இடம்பெற்ற படமும் அதுதான். எனினும், மூன்றாம் பிறை பெற்ற வெற்றியை அவருடைய வீடு, சந்தியாராகம் ஆகிய படங்களும் பெற்றிருக்க வேண்டும். அவை அந்த அளவுக்கு வெகுமக்களைச் சென்றடையாமல் போய்விட்டன.

வீடு படம் பார்த்த மறுநாள் காலை பாலுமகேந்திராவின் வீட்டிற்குச் சென்றி ருந்தேன். அப்படத்தை வியந்து பாராட்டி னேன். பொறுமையாகக் கேட்டுக் கொண்டிருந்த அவர், ‘அதனால்தானோ என்னவோ, அடுத்த படம் இல்லாமல், இப்போது வீட்டில் இருக்கிறேன்’ என்றார்.

வீடு போன்ற படங்களில் ஏற்பட்ட நட்டத்தை ஈடு செய்ய, ரெட்டைவால் குருவி போன்ற படங் களை அவர் எடுக்க வேண்டிய தாயிற்று.

1990களின் இறுதியில், நந்தன் இதழின் சிறப்பாசிரி யராக நான் பணியாற்றிக் கொண்டிருந்த போது, அவருடன் நெடுநேரம் உரையாடும் வாய்ப்புகள் கிடைத்திருக்கின்றன.

அருகில் இருந்த மாணவர் நகலகத்தில் தன் எழுத்துகளைத் தட்டச்சு செய்யக் கொடுத்துவிட்டு, அந்த இடைப்பட்ட நேரத்தில், நந்தன் அலுவலகத்திற்கு வந்து, மணிக்கணக்கில் பேசிக்கொண்டிருப்பார்.

ஒருநாள், ‘ஓர் ஊரில் ஒரு பாட்டி வடை சுட்டுக் கொண்டிருந்தாள்’ என்று எளிதாக எழுதிவிடலாம். ஆனால் அதனைப் படமாக்கும்போது ஆயிரம் கேள்விகள் நம் முன்னால் வந்து நிற்கும் என்றார்.

‘ஒரு ஊரென்றால், எப்படிப் பட்ட ஊர். நகரமா, சிற்றூரா? வடை சுடுகிற இடம் கடை வீதியா, மரத்தடியா? பாட்டி கால் நீட்டிக் கொண்டு அமர்ந்திருக்க வேண்டுமா, குத்துக்கால் வைத்துக் கொள்ளலாமா? என்னமாதிரிப் புடவை கட்டியிருக்க வேண்டும்?’ என்று இத்தனை கேள்விகளுக்கும் விடையைச் சிந்தித்த பிறகுதான், படப்பிடிப்பைப் பற்றி எண்ணிப் பார்க்கவே முடியும்’ என்பார். ஈழம், இலக்கியம் என்று எவ்வளவோ செய்திகளை அவரோடு பேசக் கிடைத்த வாய்ப்பை எண்ணிப் பார்க்கிறேன். இளையராஜாவின் மீது அவருக்கு இருந்த மதிப்பு மிகப்பெரியது.

பொதுவாகப் புகைப்படக் கருவிகள் படம் பிடிக்கும். அவர் கையில் இருந்த கருவியோ கதை எழுதும், கவிதை சொல்லும். திரை உலகம் ஒரு மாமேதையை இழந்திருக்கிறது. அவரை எண்ணிக் கலங்கும் அனைவரோடும், அந்தத் துயரை நாமும் பகிர்ந்து கொள்கிறோம்.

Pin It

cho-ramasamy 400தலைவர் கலைஞர் பேசும் பொதுக் கூட்டம் என்றால், மக்கள் கூட்டம் அலை மோதிக்கொண்டு திரண்டு வருவார்கள். அப்படித் திரண்டிருந்த கூட்டத்தைப் பார்த்த கலைஞர் ஒருமுறை, ‘இங்கே பெருமளவில் மக்கள் என் பேச்சைக் கேட்கக் கூடியிருக்கிறீர்கள். இவர்கள் எல்லோரின் வாக்குகளும் நமக்குக் கிடைக்கும் என்று நான் நம்பவில்லை’ என்றார். திராவிட முன்னேற்றக் கழகம் பல்வேறு சமூக, அரசியல் சாதனைகளில் வெற்றி பெற்ற இயக்கம்.

தமிழகத்தை ஆட்சி செய்த கட்சி, என்றாலும் கலைஞர் சொன்னதுபோல நடந்தும் இருக்கிறது. கலைஞரின் இந்த வாக்குதான் பாரதிய ஜனதா கட்சியின் நரேந்திரமோடி குறித்து நம் கணிப்பு.

திருச்சியிலும், வண்டலூரிலும் மோடியை முன்னிறுத்தி மக்கள் கூட்டத்தைக் கூட்டிய பா.ஜ.க.வினர், அந்தக் கூட்டம் ஏதோ மோடியைப் பார்க்கத்தானாக வந்த கூட்டம் போல குதித்துக் கொண்டு, தமிழகத்தில் மோடி அலை வீசுவதாக கூறிக்கொண்டிருக் கிறார்கள். மோடி கூட்டத்திற்குக் கூட்டி வரப்பட்ட மக்கள், அக்கட்சிக்கு வாக்கு களாக மாறுவார்களா என்றால், இல்லை.

துக்ளக் சோ சொல்கிறார், “தமிழகத்தில் பா.ஜ.க. வலுவான கட்சியாக இல்லை என்ற போதிலும் மோடி அலையைத் தமிழகத்தில் உணர முடிகிறது.” ‘என்ற போதிலும்’ மோடி அலையைத் தமிழகத்தில் ‘உணரமுடிகிறது’ என்று தூங்கலோசையில் பேட்டி கொடுக்கும் சோ ராமசாமி மோடியின் நெருக்கமான நண்பர். அவரே அப்படிச் சொல்லும்போது நம்முடைய வைகோ என்ன சொல்கிறார் தெரியுமா? “தமிழக அரசியல் கடந்த பல ஆண்டுகளாக அ.தி.மு.க., தி.மு.க, என்ற சுழலில் சிக்கி உள்ளது. மோடி அலை இந்தச் சுழலை உடைக்கும். மோடியின் மிகப்பெரிய வெற்றி எதிர்காலத்தில் தமிழகத்திலும் பெரிய அரசியல் மாற்றத்தை உருவாக்கும்.”

தந்தை பெரியார், அறிஞர் அண்ணா, கலைஞர் ஆகியோருடன் இருந்து, அரசியல் நடத்திய வை. கோபால்சாமி மீது நமக்கு மிகுந்த மதிப்பும், மரியாதையும் இருக்கிறது. ஆனால் கவுண்டமணியைப் பார்த்து நடிகர் செந்தில் பேசும் வசனங்களைப் போல, மோடியைப் பார்த்து வைகோ பேசும் வசனங்களைக் கேட்கும் போது, சேராத இடந்தனிலே சேர்ந்த பாவம், அவரை இப்படிப் பேச வைத்திருக் கிறது என்பதும் நமக்குப் புரியாமல் இல்லை. ஆனால் வைகோவிற்குத்தான் புரியவில்லை.

அவர் சொல்கிறார் அ.தி.மு.க. என்ற சுழலை மோடி அலை உடைக்கும் என்று. இதற்கும் சோ ராமசாமியே பதில் சொல்கிறார்.

“ஒருவேளை பா.ஜ.க.வால் மத்தியில் ஆட்சி அமைக்க முடியவில்லை என்றாலோ, மற்ற கட்சிகள் பா.ஜ.க.வை ஆதரிக்க முன் வராவிட்டாலோ, அந்தக் கட்சி வேறு யாரையாவது ஆதரிப்பதைவிட, முதல்வர் ஜெயலலிதாவை ஆதரிக்கலாம். முலாயம் சிங் பிரதமராக பா.ஜ.க. ஆதரவு அளிக்க வாய்ப்பில்லை.

மாயாவதி, ஜெயலலிதா இருவரில் யாரை ஆதரிக்கலாம் என்றால், நிச்சயமாக ஜெயலலிதாவுக்குத்தான் பா.ஜ.க. ஆதரவு அளிக்கும்.” தெளிவாகச் சொல்கிறார் சோ. தெளிவாக இருக்கிறது பா.ஜ.க. - ஜெ உள்ளார்ந்த உறவு. பிறகு எப்படி அ.தி.மு.க. சுழலை மோடி அலை உடைக்கும் என்கிறார் வைகோ?

ஈழத்தமிழர் பிரச்சினையில் மத்திய காங்கிரஸ் அரசு செய்த துரோகத்தை பா.ஜ.க. செய்யாது. வாஜ்பேயி பிரதமராக இருந்த போது, ஈழத்தமிழர் பிரச்சினையை அணுகியது போல மோடியும் பிரதமராகி அணுகுவார் என்கிறார் வைகோ.

வேறு வழியில்லை. சோ சொல்வ தைக் கேட்போம். “கூட்டணி நிர்பந்தத் தினால் அவர் இப்படிப் பேசி இருக்கலாம். ஆனால் வைகோ மிகவும் வற்புறுத்துகிற தனி ஈழம், பா.ஜ.க.வினால் ஏற்கப்பட வில்லை. இலங்கை பிளவுபடுவதை பா.ஜ.க.வும் காங்கிரசைப் போலவே எதிர்க்கிறது. அதைத் தவிர விடுதலைப் புலிகளை வைகோ ஆதரிப்பதைப்போல, பா.ஜ.க. ஆதரிக்கவில்லை. மாறாக கடுமை யாக எதிர்க்கிறது. ஆகையால் இலங்கைப் பிரச்சினையில் வைகோ நிலையிலிருந்து பா.ஜ.க.வின் நிலை மாறுபட்டது.” ஆர்.எஸ்-.எஸ்சின் வழித் தோன்றல், பா.ஜ.க.வின் பினாமி, மோடியின் குரல் சோ என்பதை மறந்து விடக் கூடாது.

மோடி, வைகோ சந்திப்புக்குப் பின்னர், ம.தி.மு.க. அலுவலகம் வெளி யிட்ட அறிக்கையில், “நீங்கள் இந்தியில் உரையாற்றினாலும், அம்மொழியைப் புரிந்து கொள்ளாதவர்களைக் கூட, உங்களின் உணர்ச்சி மிக்கக் குரல், உங்களின் கரங்களும், முகமும் வெளிப்ப டுத்தும் பாவனை மக்களை வசீகரித்தது. நீங்கள் ஆற்றிய உரை உன்னதமான சொற் பொழிவாகும்” என்று மோடியிடம் வைகோ புழுங்காகிதம் அடைந்துள்ளார்.

35 ஆண்டுகளுக்கு முன்னால், நாடாளுமன்றத்தில் உறுப்பினர்கள் இந்தியில் பேச வேண்டும் என்றும், ஐ.நா.வில் இந்தியைக் கொண்டு வர அன்றைய காலகட்டத்தில் 5 லட்சம் ரூபாய் வேண்டும் என்றும் பேசியவர், அடல் பிஹாரி வாஜ்பேயி. அவரின், ஆர்.எஸ்.எஸ் - பா.ஜ.க.வின் மறுபதிப்பு, மோடி.

ஆர்.எஸ்.எஸ்.சின் ஏக இந்தியா கொள்கையால் நாளை இந்திதான் இந்தியாவின் ஆட்சி மொழி என்று மோடி சொன்னால் என்ன செய்வார் வைகோ?

தந்தை பெரியாரின் பாசறையில் சாதி, மத எதிர்ப்பு எனும் பகுத்தறிவுப் பாடம் படித்த வைகோ, ம.தி.மு.க. உறுப்பினர் இல்லத் திருமணத்தில் வைக்கப்பட்டிருந்த கட் அவுட்டில், மோடி அர்ச்சுனனாகவும், வைகோ அவருக்குத் தேரோட்டும் கண்ண னாகவும் வடிவமைக்கப்பட்டிருந்ததை மிகவும் ரசித்துப் பார்த்து, “மோடி அலை வீசுகிறது” என்று சொல்லியிருக்கிறார்.

கருப்புத் துண்டு காவியாகிப் போனது வைகோவின் தோளில். அதனால்தான் சேதுக் கால்வாய்த் திட்டம், சுற்றுச் சூழல் - கடல்வாழ் உயிரினப் பாது காப்பு என்ற போர்வைக்குள் ராமர் பால மாகிக் கொண்டிருப்பதாகத் தெரிகிறது.

பா.ஜ.க.வின் நாடகத்தில் வைகோ வேடம் ஒருபுறம் இருக்க, மோடி புதிதாக ஒரு வேடத்தைப் போட்டுக் கொண்டு திரிகிறார்.

பா.ஜ.க.வில் சாதி மதம் என்ற பாகுபாடு இல்லையாம். உயர்வு தாழ்வு என்பது பா.ஜ.க.வில் இல்லையாம். தீண்டாமை என்பது பா.ஜ.கவுக்கு உடன்பாடுடையது அல்லவாம். பா.ஜ.க. மதச் சார்பற்ற, இனச்சார்பற்ற ஒரு சுயம்புவான கட்சியாம்.

இந்துத்துவ ரிக் வேத நூலில் சதுர் வருணப் பிறப்பு சொல்லப்படவில்லையா? கீதையில் நான்கு வருணங்களைப் படைத்தவன் நானே என்று கண்ணன் சொல்லவில்லையா? அயோத்தியில் ராமன் கோயில் கட்டியே தீரவேண்டும் என்று ரத யாத்திரை நடத்தி, செங்கல் சேகரித்து, கரசேவை என்ற பெய ரால் மசூதியை இடிக்க வில்லையா? அதற்குப் பின்புலமாக ஆர்.எஸ்.எஸ், பா.ஜ.க, மோடி இருக்க வில்லையா?

சாவர்க்கர், கோல்வால்கர், போன்றோரின் அகண்ட இந்து பாரதத்தை நோக்கமாகக் கொண்ட இவர்கள் மதச்சார் பின்மை பற்றிப் பேசுவது சாத்தான் வேதம் சொல்வதற்குச் சமம். கேரள மாநிலம் கொச்சியில் பேசிய மோடி, தாழ்த்தப்பட்ட சமூகத்திற்கு அம்பேத்கர் அளித்த உரிமை களைப் பறிக்க சதி நடக்கிறது என்றும், சாதி அடிப்படையிலான இட ஒதுக்கீடு காங்கிரசால் இல்லாமல் போய்விடும் என்று பேசியிருக்கிறார்.

காங்கிரஸ் இருக்கட்டும். இங்கே தமிழ்நாட்டில் என்ன வாழ்கிறது. தலைவர் கலைஞரால் புதிய தலைமைச் செயலக மாகக் கட்டப்பட்ட கட்டிடம், பல்நோக்கு மருத்துவமனையாக மாற்றப்பட்டது ஜெய லலிதாவால். அங்கே அரசியல் சாசனப் படி, மோடி சொல்லும் டாக்டர் அம்பேத் கரால் உருவாக்கப்பட்ட இட ஒதுக்கீடு நடைமுறைப்படுத்தப் பட்டுள்ளதா? இல்லையே!

“நான் பாப்பாத்திதான்” என்று சட்டப்பேரவையில் முழங்கிய ஜெயலலிதா அரசுதானே இதைச் செய்கிறது. இவரைத் தானே மோடிக்குப் பிறகு இந்தியப் பிரதமர் ஆக்க வேண்டும் என்று சோ கூட்டாளிகள் சொல்லிக் கொண்டிருக் கிறார்கள்.

ஆர்.எஸ்.எஸ் சின் இந்துத்துவாதான் பா.ஜ.க. பா.ஜ.கவின் இந்துத்துவாதான் மோடி. மோடி அலை வேறு, மோடி முகம் வேறு. தமிழகத்தில் மோடி அலை ஒரு கானல் நீர். மோடி முகம் ஆபத்தின் அடையாளம். வைகோவிற்கு இது புரிந்தால் என்ன? புரியாவிட்டால் என்ன?

மக்கள் புரிந்து கொண்டிருக்கிறார்கள். அதுபோதும்!

Pin It

aranganayagam 400முன்னாள் கல்வி அமைச்சர் அரங்கநாயகம் தி.மு.க.வில் இருந்து விலகிவிட்டார். அரசியலில் விலகுதலும் சேர்தலும் இயல்பான ஒன்றுதான். ஆனால் விலகுவதற்கோ அல்லது சேர்வதற்கோ சொல்லப்படும் காரணங்களுள் சில அரசியல் தளத்தில் முக்கியத்துவம் வாய்ந்தவையாகக் கொள்ளப்படும்.

அப்படி அரங்கநாயகமும் ஒரு காரணத்தைச் சொல்லி இருக்கிறார். அந்தக் காரணம் இவருடைய அரசியல் பக்குவத்தையும், சமூக அக்கறையையும் பளிச்செனக் காட்டுகிறது.

அதாவது, “இடஒதுக்கீட்டில் பொருளாதார உச்சவரம்பைக் கலைஞர் எதிர்க்கிறார், எனவே நான் தி.மு.க.வில் இருந்து விலகுகிறேன்” என்று சொல்லியிருக்கிறார். இதே போன்றதொரு கருத்தை, காங்கிரஸ் கட்சியின் ஜனார்தனன் துவிவேதி என்பவரும் சொன்னார்.

‘சாதி அடிப்படையில் இடஒதுக்கீடு தேவையில்லை, பொருளாதார அடிப்படையிலேயே இருக்க வேண்டும்’ என்றார் அவர்.

நாடாளுமன்றத்தில், பகுஜன் சமாஜ், ஐக்கிய ஜனதளம், சமாஜ்வாடி மற்றும் தமிழக உறுப்பினர்களின் ஆவேசமான எதிர்புக்குப் பிறகு,‘இடஒதுக்கீட்டு முறையில் முன்னர் இருந்த நிலையே தொடர்ந்து இருக்கும்’ என்று சோனியா காந்தியே முன்வந்து கூறினார்.

கிரீமிலேயர் எனப்படும் இடஒதுக்கீட்டில் பொருளாதார வரம்பு முறையை, மறைந்த முதல்வர் திரு.எம்.ஜி.ஆர் கொண்டு வந்ததும், அதற்குக் கடுமையான எதிர்ப்புகள் எழுந்ததும், அது நாடாளுமன்றத் தேர்தலில் எதிரொலித்ததும், அதைத் தொடர்ந்து அந்த அறிவிப்பை எம்.ஜி.ஆர், திரும்பப் பெற்றதும், கூடுதலாக ஏற்கனவே நடைமுறையில் இருந்த 50 விழுக்காடு இடஒதுக்கீடு என்பதை 69 விழுக்காடு என்று உயர்த்தியதும் அனைவரும் அறிந்ததே.

மேலும் அன்று எம்.ஜி.ஆர் அமைச்சரவையில் கல்வி அமைச்சராக இருந்தவர், இதே அரங்கநாயகம்தான். அவர்தான், இன்றும் பொருளாதார அடிப்படையில் இடஒதுக்கீடு தேவை என்று பேசிக்கொண்டிருக்கிறார். சாதி இருக்கும் வரை இடஒதுக்கீடு இருக்கும், இருக்க வேண்டும். கிரிமிலேயர் எனப்படும் ‘கிருமி’லேயரை இடஒதுக்கீட்டு முறையில் அனுமதிக்கக் கூடாது என்பதுசமூகநீதி அரசியல் தெரிந்தோரின் கருத்தாகும்.

அரங்கநாயகம் தி.மு.க.வில் மட்டுமல்ல அரசியலிலும் இல்லாமல் இருப்பதே நல்லது. 

Pin It

juliousகட்டிடப் பொறியாளர் திரு ஜே.ஆர்.ஜுலியசுடன் ஒரு நேர்காணல் - இலக்கியா

1.சமீப காலங்களில் வாஸ்து சாஸ்திரம் என்ற பெயரில் நமது மக்கள் மிகவும் குழம்பிப் போய்த் திரிவதைக் காண முடிகிறது. ஒரு கட்டடப் பொறியாளராக வாஸ்து பற்றி உங்கள் பார்வை என்ன?

பல ஆண்டுகளாக நல்லமுறையில் ஒரு வீட்டில் வாழ்ந்துவருவார்கள். ஏதாவது பிரச்சனை அல்லது நோய் ஏற்பட்டுவிட்டால், தன்னை வாஸ்து நிபுணர்களாகக் காட்டிகொள்ளும் சிலர் உடனே ஆலோசனை சொல்ல வந்துவிடு வார்கள். உங்கள் வீட்டில் இது சரியில்லை அது சரியில்லை, அதனால்தான் உங்களுக்கு இந்தப் பிரச்சனை.

எனவே இந்த இந்த மாற்றங்கள் செய்தால் சரியாகிவிடும் என்று ஆலோசனை வழங்குவார்கள். நமது மக்களும், இத்தனை காலம் இந்த வீட்டில் நன்றாகத்தானே வாழ்ந்தோம் என்று சிந்திப்பதில்லை.

உடனே வீட்டில் மாற்றங்கள் செய்து விடுகிறார்கள். பிரச்சனைகளில் தீர்வோ, நோய்களிருந்து விடுதலையோ கிடைக்காத வர்கள் வாஸ்துவைப் பற்றி ஏதும் கூறாமல், ஏதோ என் தலை விதி என்று சும்மா இருந்துவிடுகிறார்கள். சிலருக்கு பிரச்ச னைகளில் தீர்வோ, நோய்களிருந்து விடுதலையோ கிடைக்கிறது.

ஆனால், அதற்காக அவர்கள் வேறு பல முயற்சிகள் செய்திருப்பார்கள். அதையெல்லாம் கருத்தில் கொள்ளமாட்டார்கள். ஏதோ வாஸ்துவினால்தான் எல்லாம் சரியாகி விட்டதாக எண்ணிக்கொள்கிறார்கள்.

2.அப்படியானால் வாஸ்துவுக்காக லட்சக்கணக்கில் மக்கள் செலவிடு கிறார்களே, அதனால் எந்தப் பயனும் இல்லை என்கிறீர்களா?

புதிய வீடு கட்டுபவர்களும், தனது வசதிக்காகவும், ஆரோக்கியமான சூழ்நிலை வீட்டில் திகழ்வதற்காகவும் வீட்டின் அமைப்புகளை ஏற்படுத்தாமல், வாஸ்து என்ற பெயரில் எப்படியோ வீடுகளைக் கட்டிக்கொண்டிருக்கிறோம்.

 ஒரு வீடு கட்டும்போது கவனிக்க வேண்டியவை, வீட்டிற்குள் நல்ல வெளிச்சம் (வெயில் அன்று), நல்ல காற்று, வீட்டில் உள்ளவர்கள் புழங்குவதற்கு வசதியான இடவசதி. ஆனால் வாஸ்து என்ற பெயரில் நாம் கட்டுகின்ற வீடுகளில் பெரும்பாலும் வெளிச்சமும் இருப்ப தில்லை, காற்றோட்டமும் இருப்பதில்லை.

தென் மேற்குப் பகுதியில் படுக்கையறை அமைத்தால் வளம் பெருகிவிடும், என்று சொல்லிப் படுக்கையறை அமைப்பார்கள். ஆனால், மேற்கு பகுதிதான் அதிகம் வெயில் படக்கூடிய பகுதி. அதற்குரிய மாற்று ஏற்பாடுகள் (க்ஷிமீக்ஷீணீஸீபீணீலீ போன்றவை) செய்யாவிடில், அந்த அறை எப்போதும் சூடு நிறைந்தே இருக்கும். அதைப்பற்றி யெல்லாம் வாஸ்து நிபுணர்கள் என்று சொல்லிக்கொள்பவர்கள் கவலைப் படுவதில்லை.

ஒரு வீட்டைக் கட்டும்போது  என்று சொல்லப்படுகின்ற வீட்டின் அமைப்பு மிகவும் முக்கியம். அது, அந்த நிலத்தின் அமைப்பு, அந்த சுற்றுப்புற சூழ்நிலைகளைப் பொருத்தே அமையும்.

ஆனால் வாஸ்து நிபுணர்கள் என்று சொல்லிக்கொள்பவர்கள், எல்லா நிலத்திற்கும், அது எந்தத் திசையை நோக்கி அமைந்திருக்கிறது என்பதைப் பொறுத்து ஒரே மாதிரியான அமைப்பைத்தான் சொல்கின்றனர். ஆனால் தெனமேற்குப் பகுதியில் படுக்கையறை அமைக்கப்பட்டாலும் பக்கத்து வீடுகள் நெருக்கமாக அமைக்கப்பட்டிருக்குமானால், அது காற்றோட்டத்திற்கு வாய்ப்பிருக்காது என்பதைப் பெரும்பாலும் உணர்வதில்லை.

 3. வாஸ்து அறிவியல் பூர்வமானது என்று சொல்லப்படுகிறதே?

வாஸ்து சாஸ்திரம் விஞ்ஞானபூர்வமானது, என்ற கருத்து பரப்பப்படுகிறது. பருவக்காற்று களை எதிர்கொண்டுதான் வீடுகளை அமைப்பதாகப் பலர் சொல்வதுண்டு. ஆனால் பருவக் காற்றுகளினால் எல்லா பகுதியிலும் ஒரே மாதிரி பலன் கிடைப்பதில்லை என்பதே உண்மை.

மேலும் பூமி வடக்கிலிருந்து கிழக்கு நோக்கிச் சற்றே சாய்ந்திருக்கிறது என்பதாலே வடகிழக்கில் தண்ணீரைத் தேக்கி வைக்கும் பள்ளமான பகுதி அமைய வேண்டும் என்றும், தென் மேற்கில் தண்ணீரைத் தேக்கி வைக்கும் மேடான பகுதி அமைய வேண்டும் என்றும் கூறுவதுண்டு. ஆனால், பூமத்திய ரேகைக்கு வடக்குப்பகுதியில் ஒரு மாதிரியான சாய்மானமும், பூமத்தியரே கைக்குத் தெற்குப்பகுதியில் ஒரு மாதிரி யான சாய்மானமும் இருக்கும் என்பதே உண்மை. ஆனால் ஒவ்வொரு பகுதிக்கும் ஒவ்வொரு விதமான வாஸ்து என்பது உண்டா என்றால் இல்லை என்பதுதானே உண்மை.

3.வாஸ்துபடி வீட்டைக் கட்டிவிட்டால், எல்லா வளங்களும் பெருகிவிடும் என்றால், வீடே இல்லாமல் தெருவோரம் தூங்கிக்கொண்டிருக்கும் பல்லாயிரக்கணக்கான மக்கள் வளம் பெறுவது எப்போது?

இன்றைக்குப் பெரும்பாலானோர் வாஸ்து பார்த்துதான் வீடு கட்டுகிறார்கள். அதனால் இன்றைக்குப் பிரச்சனை களே இல்லாத, நோய்களே இல்லாத உலகமாக மாறிக் கொண்டிருக்கிறதா என்றால், பிரச்சனைகளும் நோய்களும் பெருகிகொண்டிருப்பதுதானே உண்மை.

4. வீட்டைக் கட்டும்போது மட்டுமின்றி, கட்டிய பிறகும் பல்வேறு பொருள்களை வாஸ்து பரிகாரத்திற்காக என்று சொல்லி வாங்கி வைக்கிறார்களே, அது கூட எந்தப் பலனையும் தருவதில்லையா?

வாஸ்து மீன், வாஸ்து பொம்மை, கண்ணாடி, சிறிய மூங்கில் செடி என சில பொருள்களை வாஸ்து பரிகாரம் என்ற பெயரில் வாங்கி வைத்துவிட்டால் போதும் என்கிறார்கள். இந்தப் பொருட்கள் நம் வாழ்வை எப்படித் தீர்மானிக்கும் என்று சிந்திக்க வேண்டாமா? வெகு தொலைவில் உள்ள நட்சத்திரங்கள் நம் வாழ்வைத் தீர்மானிக்கும் என்பது எவ்வளவு முட்டாள் தனமானதோ, அவ்வளவு முட்டாள்தன மானவை இந்த வாஸ்து பரிகாரங்கள்

பெரும்பாலான மக்கள் மூடநம்பிக் கையில் மூழ்கிக்கிடக்கிறார்கள் என்றால் அவர்களை அறிவூட்டுவது கற்றவர்கள் மற்றும் வல்லுனர்களின் கடமையாக இருக்கவேண்டும்; அதை விடுத்து, மக்களின் அறியாமையைப் பயன் படுத்தி நாம் வளம் பெற்றுவிட லாம் என்பது நாம் வாழ்கின்ற சமூகத்திற்குச் செய்கின்ற அநீதியாகத்தான் அமையும்.

5. வாஸ்து சாஸ்திரம் மட்டுமில்லாமல், வேறு பல மூடநம்பிக்கைகளும் மக்களிடம் நிறைந்து கிடக்கின்றன. கல்வி அறிவில் சிறந்த குமரி மாவட்டத்தைச் சேர்ந்தவர் நீங்கள். இந்த மாவட்டத்தில் நிலை எப்படி இருக்கிறது?-

இன்றைக்கு நம் சமுகத்தில் பல்வேறு விதமான மூடநம்பிக்கைகள் புரையோடிக் கிடப்பதைக் காண முடிகிறது. படிக்கா தவர்கள் மட்டுமல்ல மெத்தப் படித்தவர் கள் என்று சொல்லப்படுபவர்களிடத்திலும் மூடநம்பிக்கைகள் பரவிக் கிடப்பதைக் காண முடிகிறது. படித்தவர்கள் அதிகம் பேர் உள்ள மாவட்டம் என்று சொல்லப்படுகின்ற குமரி மாவட்டத்திலேயும் மக்கள் பல்வேறு மூட நம்பிக்கைகளில் மூழ்கிக் கிடப்பதைக் காணலாம்.

மனிதர்களுக்குப் பல்வேறு விதமான நம்பிக்கைகள் இருக்கின்றன. கடவுள் நம்பிக்கை, மத நம்பிக்கை என்று பல்வேறு நம்பிக்கைகள், அவையெல்லாம் அவரவருடைய அனுபவம் சார்ந்தும் வளர்ந்த சூழல் சார்ந்தும் அமைகின்றன. அந்த நம்பிக்கைகள் இருக்கலாம், இல்லாமலும் இருக்கலாம். ஆனால் இருக்கவே கூடாது என்ற நம்பிக்கை ஒன்று உண்டு. அதுதான் மூடநம்பிக்கை. என்னைப் பொருத்தவரையில் நமது அறிவுக்கு எட்டாத அனைத்துமே மூட நம்பிக்கைதான்.

மூட நம்பிக்கைகளுக்கு அடிப்படையே ஆசையும் பயமும்தான். எனக்கு எல்லா வளங்களும் சுலபமாகக் கிடைக்க வேண்டும் என்ற ஆசையும், எனக்கு எந்த விதமான துன்பங்களும், பிரச்சினைகளும் வந்துவிடக்கூடாது என்ற பயமுமே மூட நம்பிக்கை களுக்கு வித்தாக அமைகின்றது.

 ராகு காலம், எமகண்டம் எல்லாம் கெட்ட நேரம் என்றால் உலகில் இதே நேரத்தில் புறப்பட்ட விமானங்கள் விழுந்து நொறுங்கிருக்க வேண்டுமே! மற்ற நல்ல நேரங்களில் புறப்பட்ட விமானங்கள், கார்கள், இரயில்கள் எல்லாம் விபத்தே இல்லாமல் ஒழுங்காக சேர்ந்துள்ளனவா? இரவில்தானே அதிக விபத்துகள் நடைபெறுகின்றன? அப்போது தான் ராகுகாலம், எமகண்டம் இல்லையே, பின் எப்படி விபத்துக்கள் ஏற்படுகின்றன?

சற்றுச் சிந்தித்துப் பார்த்துச் செயலாற்றினால், வாழ்க்கை வளமாக அமையும்.

Pin It