விடுமுறையில் வரும்போதெல்லாம்
கலைத்துப் போட்டுவிடுகிறாய்
வலியக் காற்றைப்போல
மூழ்கடித்து விடுகிறாய்
சந்தோஷப் பெருமழையில்
மூச்சுத் திணறிப்போகிறது ஆனந்தத்தில்
தாழ்வாரம் படுக்கையறை முற்றம்
குளியலறை சமையலறையென
எங்கும் இரைந்து கிடக்கிறதுன்
ஞாபகங்கள்
எது எப்போதெனத் தெரியா ரகஸ்யமே
உனது சுவாரஸ்யம்
கொஞ்சம் கொஞ்சமாய் முயற்சித்து
ஒழுங்குக்கு மீண்டு வரும்போது
தலைக்காட்டுகிறதுன் அடுத்த விடுமுறை
- அன்பாதவன், மும்பை