குசாலம் விசாரிப்பு பற்றி

 

ஒரு சொல்லிலிருந்து
புறப்பட்டுவிட்ட
வார்த்தைகள்
பறந்து பறந்து
பிரபஞ்சத்தின் புறவாசலில்
அமர்கிறது

கோணல்மாணலென
கிளம்பிய
அண்டவெளி காற்று
உள்ளிழுத்த மூச்சால்
உயிர்சுரக்கிறது
என்பது போல்

எனக்குத்தெரியாமல்
என் குறித்தான
புறப்பேச்சுகள்
நிறைய குப்பைகளாய்
குவிந்துக்கிடக்கின்றன

இன்றுமென்
தலைகாணுகையில் மட்டும்
குசாலம் விசாரிப்புகள்
வெட்கங்கெட்டு தொடர்கின்றன

- கவிமதி, துபாய் இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.