அது
எதுவென்று
நீங்கள்தான்
புரிந்துகொள்ளவேண்டும்.

அதைப்பற்றி
எதுவும்
சொல்வதற்கில்லை.

அதனால்
எதையும்
அதுவாக்கும்
வல்லமையுண்டு.

அதனுள்
எவற்றைத் தேடினாலும்
அதாகப்பட்டதே அது.

அதின்
இறந்தகாலம் அதுவே
நிகழ்காலம் அதனுள்
எதிர்காலம் அதனால்.

இப்பொழுதாவது
புரிகின்றதா...
அது எதுவென்று ?

புரியாத புரிதலில்
புரிந்து நிற்பதது !

தெரியாத தெரிதலில்
தெரிந்து நிற்பதது !

அறியாத அறிதலில்
அறிந்து நிற்பதது !

அது
ஒரு
இது.


- நெப்போலியன்(இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.)