சாலையை கடக்கமுற்பட்டபோது
விர்ரென்று சென்ற பேருந்தில்
சின்னவையொத்த முகச்சாயலில்
யாரோவா?
சின்னவா?
சின்னவை
இப்போது நினைக்காவிட்டால்
பிறகெப்போதும் நினைக்கப்போவதில்லை
***
2.
சிறு
தயக்கத்திற்கு பின்னர்
நீட்டிக்கப்பட்ட வாழ்க்கையில்
கேட்கக்கூடிய நபராக
அவர் இருந்திருக்கிறார்
***
3.
வண்ணாத்திப் பூச்சியின்
றெக்கை வெட்டப்பட்ட
குரூரம் நிரம்பிய
பால்யத்தின் பக்கங்களுக்கு அஞ்சி
முத்தங்கள் பற்றிய
கனவிற்காக
நாம் காத்திருக்கிறோம்.
***
4.
பொய்யான ஒன்றைபேசிக்கொண்டிருக்கிறேன்
பொய்யான ஒன்றை பார்த்துக் கொண்டிருக்கிறேன்
பொய்யான ஒன்றை கேட்டுக் கொண்டிருக்கிறேன்
பொய்யான ஒன்றை எழுதிக் கொண்டிருக்கிறேன்
பொய்யான ஒன்றை........................................................................................
பாண்டித்துரை (சிங்கப்பூர்)
நன்றி: வடக்கு வாசல்
- பாண்டித்துரை இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.
