சர்ப்பத்தை அணைக்கும் பொருட்டு
குளிர்ச்சியினை வெளிப்படுத்துகிறது இரவு
நீண்டதொரு இரவினை
எட்டிப்பிடித்தே சர்ப்பம் முன்னேறி
இரவு நேரங்களை
விழுங்கத் தொடங்குகிறது
சர்ப்பத்தின் விருப்பப்படியே
இரவு வளைந்து செல்கிறது
இரவின் தீண்டலில் திருப்தியற்ற சர்ப்பம்
பின் தங்க நேரிடுகிறது
களைப்புற்ற சர்ப்பம்
தன் சட்டையைக் கழற்றி
இரவினை புரட்டிப்போடும் உத்வேகத்துடன்
மீண்டும் முன்னேறுகிறது
பொழுது புலரத்தொடங்குகிறது
ஒரு மூலையில் சர்ப்பம் சுருண்டு கிடக்க


- பாண்டித்துரை இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.