மரங்கள் சூழ்ந்த
More articles by குட்டி செல்வன்
- வனத்தின் தனிமரம் (13 ஏப் 2010)
- நிலை (13 ஏப் 2010)
- ஏதுமற்ற வானம் (12 ஏப் 2010)
- உடைவதில்லை வெறுமைகள் (12 ஏப் 2010)
- மழைக் குறிப்புகள் (12 ஏப் 2010)
வனம் இன்று செழித்துக் கிடக்கின்றது
வழக்கத்தைக் காட்டிலும் அதிகப் பசுமையாய்
அருவியின் குளிர்ந்த நீர்த்துளிகள் கரும் பாறைகளிலிலும்
என் முகத்திலும் விழுந்து உடைகின்றன
எதையோ முணுமுணுத்தவாறு
மலையுச்சியிலிருந்து வழியும் ஓடை
சில்லென்று பாடிச் செல்கின்றது
பிரிவின் இரகசியப் பாடலொன்றை
இலைகள் சேகரித்துக் கொண்டிருக்கின்றன
எண்ணிலடங்கா மழைத்துளிகளை
மிகவும் அமைதியாக
பொழிந்தது போதுமெனக் கலைந்தோட முயலும்
கார்மேகங்களை இழுத்து உலுக்குகின்றேன்
கொட்டிவிட்டுப் போகின்றன
மீதமிருந்த நம் பிரியங்களை
நானும்
இவ்வனமும் இன்று செழித்திருக்கின்றோம்
இம்மழையால்
சாலைகளில்
சேறும் சகதியுடனும்
அழுகிய காய்கறிகளின் விரும்பத்தகாத வாசனையுடனும்
போக்குவரத்து நெரிசலில் பொறுமையிழந்தவாறும்
கையில் கறுப்புக் குடையை பிடித்தபடியும்
பெரும் இடையூறாய்த் தொடரக்கூடும்
நகரத்துவாசிகள்
இதே மழைகாலப்பொழுதை
- குட்டி செல்வன் (இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும். )