சொற்களைப் புதைத்து விடும்
மயானமொன்று
தொண்டைக் குழிக்குள் இருக்கிறது

கோபத்தைக் கொன்று விடும்
மயானமொன்று
உச்சந்தலையில் இருக்கிறது

கொன்று குவித்தவைகளை
எரியூட்டும் தகன மேடை
இதயத்தில் இருக்கிறது

மூச்சு விடவும் நேரமற்று
மூவிடத்திற்கும் அணிவகுத்துச் செல்கின்றன
உயிரற்ற உடலங்கள்

உயிரற்றவைகளின் மேல் நின்று
ஆனந்த தாண்டவம் ஆடுகிறோம் நாம்

- தங்கேஸ்