Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

வாசற்படி கடந்து
வெளியேற மறுக்கும் கடிவாளங்கள்...
வாழ்நாள் முழுதும்
தனையிழந்து தவிக்கும்
புலம்பெயர்ந்த உறக்கங்கள்...

மெத்தையில் சொக்கியுறங்கும்
வயதைக் கடந்த பின்னும்
பற்றியேறி அடக்கியாள்கிறதெனை
அவனிலிருந்து கிளம்பும் வன்மப்பசி........

ஒற்றை அறைக்குள் வெட்கம் தளர்த்தி
மல்லாந்திருக்க
பிரள்கிற பிள்ளையின் அசைவுகண்டு
மனம்கூசி ஓடிஒளிகிறேன்....
கழட்டியெறியப்பட்ட குண்டிச்சீலை தேடி...

உடலெங்கும் நிலைகொள்ளும் நெடுந்துயரமிது. .......
நொடிக்கொரு தண்டனையாய்...
நகக்கீறல்களும் கடித்த காயங்களும்.......
இராத்தூக்கம் மடிந்த எனதிருப்பில்
வடுக்கள் பதிந்த உறுத்தலாய்...
கைகோர்த்துக்கொள்கிறது
குழந்தையின் எதிர்காலம்...

- வழக்கறிஞர் நீதிமலர்

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh