Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

தற்செயல் நிகழ்வுகள்
எப்பொழுதும்
அழகானவை!

சட்டென
உருளும் ஒற்றைத்துளி
கண்ணீர் போல....

வெக்கை சூழ்
பொழுதொன்றில்
முகம் நிறை
வியர்வைத்துளி கண்டு
உப்பென ஊதும்
உன் மூச்சுக்காற்றைப் போல....

உடையுந்தருணமொன்றில்
உடன் பற்றிக்கொள்ளும்
உன் கைகளைப்போல....

எதிர்பாரா நேரத்தில்
நெற்றி முடி ஒதுக்கி
நீ தரும் முத்தம் போல...

கனத்த மௌனத்தை
உடைத்தெறிகிற
முதல் வார்த்தை போல....

தற்செயல்கள்
எப்பொழுதும் அழகானவை!
நம் தற்செயலான
சந்திப்பைப் போல...

- இசைமலர்

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh