Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

கீற்று படைப்புகளை மின்னஞ்சலில் பெற...

Enter your email address:

Keetru RSS Feed

கடைசி பதிவேற்றம்:

  • செவ்வாய்க்கிழமை, 19 செப்டம்பர் 2017, 11:21:44.

lady in the morning
மன்னிக்கவும்
அலைபேசியில் அதிகாலையில்
அழைக்காதீர்!

அக்காலைப்பொழுது
என் கைகளில்
இருப்பதேயில்லை!

ஆயிரம் கரம்
கொண்டிருந்தாலும்
அதிகாலையை ஆள்வது கடினம்!

அக்காலைப் பொழுதானது
ருத்ரதாண்டவத்திற்கான
முன் ஒத்திகைக் காலம்!

அதிகாலைப்பொழுதொன்றில்
அக்காக்குருவியின் ஓசையை
நின்று கேட்டதாய் நினைவிலில்லை!

அலார ஒலியால்
மட்டும் தான்
என் அதிகாலை புலர்கிறது!

நிதானமாய் நின்று
தேநீர் அருந்தியதுவுமில்லை!
அள்ளி ஊத்தி
அடுத்த வேலைக்கு ஆயுத்தமாகிறேன்!

உங்களுள் யாரேனும்
ஒய்வாய் இருப்பின்
காலைப் பொழுதை
கடனாய்த் தாருங்களேன்!

காலை வேளையை
கண் நிறைத்து பின்
சின்னதாய்
கவிதை எழுத வேண்டும்!

- கி.பாலபாரதி

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh