Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

கீற்று படைப்புகளை மின்னஞ்சலில் பெற...

Enter your email address:

Keetru RSS Feed

கடைசி பதிவேற்றம்:

  • சனிக்கிழமை, 21 அக்டோபர் 2017, 13:27:59.

வெளியே மழை
உள்ளே புழுக்கமென
எட்டுக்கும் பத்துக்கும் இடையில்
அல்லாடும்
உயிர்ப்பின் ஊஞ்சலிது
ஒரு நாளின் இரண்டு பங்கும்
இப்படித்தான்
நெருக்குதலுக்குள்
அறுந்து விழும் அபாயத்துடன்
ஆயுள் கயிற்றில் ஆடியபடி

கால்களை எத்தனை அவதானமாய்
முன் வைத்தாலும்
வழுக்கி விடும் படிக்கட்டுகள்
ஒவ்வொரு இடத்திலும் இருந்து விடுகின்றன

தற்காலிகமாய் தொடங்கி
நிரந்தரமாய்ப்போன
ஒன்றித்திருக்கும் அறை
ஒரு சவப்பெட்டியை ஞாபத்தில் கொண்டுவந்து நிறுத்தி விடுகிறது

கதவினை திறக்கும்போது
ஒரு மூலை பூனையாய் ஒளிந்து கொள்வதுபோல்
கதவினை சாத்தும்போது
ஒரு தனிமை பூதமாய் வெளியே வருகிறது
பூட்டை முன்னால் விட்டு
சாவியைப் பின்னால் வைக்கிறது
பீதியில் உறைய வைக்கும் இரவுகள்

நெருக்கடி அறியாமல்
கடிகாரத்தின் முட்கள்
காலக் குதிரையின் கடிவாளமாய்
வயதைப் பிணைத்துக் கொண்டு
தாவிப் பாய்கிறது அந்திமத் தெரு நோக்கி

இடையில் மரணம் பெரும் மதகை
வெட்டி வைத்திருக்கிறது
வீழ்த்தி விடுமெனும் சூத்திரம் சூட்சுமமாய் தெரிந்தாலும்
யாருக்கும் பெரிதாய்
எச்சலனத்ததையும்
ஏற்படுத்தி விடுவதில்லை.

- ரோஷான் ஏ.ஜிப்ரி

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Comments   

0 #1 அ.வேளாங்கண்ணி 2017-04-08 13:39
மிகச்சிறப்பு... .
Report to administrator
0 #2 ரோஷான் ஏ.ஜிப்ரி 2017-04-29 13:09
மிக்க நன்றி தோழர் அ.வேளாங்கண்ணி
Report to administrator

Add comment


Security code
Refresh