தீண்டப்படாத வரிசை எண்..

*
நானொரு முட்டாளாக்கப்படுவதன்
விலையை
எப்படி நிர்ணயிப்பது என்று தெரியவில்லை

உங்களின் விலைப்பட்டியல்
பரிந்துரையின்
எனக்கான வரிசை எண் எது

ஒரு குறைந்தபட்ச உழைப்பை
யாசிக்கும் பொருட்டு
உங்கள் உதவியைப் பெற்றுக்கொள்ள முடியும்

அதிபுத்திசாலிகளின் சந்தையில்
தீண்டப்படாமல் கிடக்கும்
ஒரு பண்டமென கிடக்கிறது என் முட்டாள்த்தனங்கள்

அதன்மீது ஒட்டப்படாத ஒரு சிறிய விலை கோருவது
நிர்ணயிக்கப்படாத ஒரு பேரத்தை

அது கொஞ்சம் புத்திசாலித்தனமானதாக
கொஞ்சம் முட்டாள்த்தனமாக

******
-- இளங்கோ ( இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும். )